રાજકોટમાં પ્રતિબંધિત ચાઈનીઝ દોરીના રૂ. 20 હજારના જથ્થા સાથે 2 ઝડપાયા

આવતીકાલે ઉત્તરાયણ છે ને પતંગ અને દોરી લેવા માટે પતંગરસિયાઓની ભીડ બજારમાં જોવા મળી છે. દર વર્ષની જે આ વર્ષે પણ પોલીસે ચાઈનીઝ દોરીનો ઉપયોગ કરવા પર પ્રતિબંધ લગાવ્યો છે. છતાં પોલીસ અને કાયદાનો ડર રાખ્યા વગર કેટલાક પતંગ વિક્રેતાઓ ચાઈનીઝ દોરી બિન્દાસ વેચી રહ્યા છે. રાજકોટ તાલુકામાં પોલીસે રૂ. 20 હજારની ચાઈનીઝ દોરીના જથ્થા સાથે એક શખસની ધરપકડ કરી છે.

• રાજકોટમાં ચાઈનીઝ દોરીના જથ્થા સાથે બે ઝડપાયા
• પોલીસે રૂ. 20 હજારના જથ્થા સાથે બેની કરી ધરપકડ
• બંને આરોપીઓએ પોલીસ જાહેરનામાનો ભંગ કર્યો

રાજકોટઃ તાલુકા પોલીસે ચાઈનીઝ દોરીના જથ્થા સાથે એક વ્યક્તિની ધરપકડ કરી છે. પોલીસે જાહેરનામાના પાલન માટે અનેક ટીમ પણ બનાવી છે. ચાઈનીઝ દોરી પર કડક પ્રતિબંધ હોવા છતાં આ ઝડપાયેલો શખસ ચાઈનીઝ દોરી વેચી રહ્યો હતો. એટલે પોલીસે તેની ધરપકડ કરી છે. પોલીસે આરોપી પાસેથી રૂ. 20 હજારની ચાઈનીઝ દોરી, 40 ચાઈનીઝ દોરીની રિલ ઝડપી પાડી છે. ચાઈનીઝ દોરી વેચતા રાકેશ ગોધાત અને દિનેશ ગુંડિયાની કરી ધરપકડ પોલીસે કાયદેસરની કાર્યવાહી હાથ ધરી છે. બંનેએ જાહેરનામાનો ભંગ કર્યો છે.