જૂનાગઢ- ચોમાસાની ઋતુને ધ્યાને રાખીને ખાસ કરીને સૌરાષ્ટ્રમાં કુદરતી સંકેતોને આધારે દેશી કસને આધારે ચોમાસાના વરસાદનો વરતારો (Rainfall Forecast)જોતા દેશી આગાહીકારો પરંપરા મુજબ આજે પણ ચોમાસાના વરસાદ અને વરસાદના સમયને લઈને આગાહી કરી રહ્યા છે. દેશી આગાહીકારો કુદરતમાં જોવા મળતા કસને આધારે આગામી ચોમાસાની ઋતુ (Monsoon 2022) અને વરસાદના દિવસોને લઈને પોતાનો વરતારો પૂર્વાનુમાનરૂપે રજુ કરતા હોય છે. ત્યારે જૂનાગઢના દેશી આગાહીકાર મોહનભાઈ દલસાણીયાએ પણ આગામી ચોમાસાની ઋતુને ધ્યાને લઇને કસને આધારે તેમનો વરતારો વ્યક્ત કર્યો છે. જેમાં આગામી ચોમાસાની ઋતુ દરમિયાન ખંડ વૃષ્ટિવાળું ચોમાસુ જોવા મળશે. કેટલાક વિસ્તારોમાં ભારે વરસાદતો કેટલાક વિસ્તારોમાં અનિયમિત વરસાદ (Possibility of rain deficit ) પણ જોવા મળી શકે છે.
આ પણ વાંચોઃ દેશમાં આ રાજ્ય બન્યું વરસાદથી તરબતોર, ભારે પવન સાથે ધોધમાર વરસાદ
જૂન અને જુલાઈ માસમાં પ્રમાણસર વરસાદ ઓગસ્ટમાં જોવા મળશે વરસાદની ઘટ - મોહનભાઈ દલસાણીયાએ તેમની દેશી કસને આધારે (Rainfall Forecast)ચોમાસાની આગાહીના (Monsoon 2022)તારણો પરથી એવી શક્યતાઓ વ્યક્ત કરી કે આગામી ચોમાસા દરમ્યાન જૂન અને જુલાઈ માસમાં વરસાદના યોગ જોવા મળી રહ્યા છે. તો ઓગસ્ટ માસમાં વરસાદની ખેંચ જણાય તો પણ નવાઇ પામવા જેવું કશું નહીં હોય.
પાછોતરો વરસાદ ખેંચાવાની વકી- વધુમાં મોહનભાઈ જણાવી રહ્યા છે કે વરસાદ ખેંચાવાને કારણે ચોમાસું પાકોને પાછલા પિયત માટે કોઈ કુત્રિમ વ્યવસ્થા ખેડૂતોને કેટલાક વિસ્તારમાં કરવી પડે તેવી પરિસ્થિતિનું (Monsoon 2022)નિર્માણ થશે. જુલાઇ માસ દરમિયાન દરિયાઈ પટ્ટી અને જંગલ આચ્છાદિત વિસ્તારોમાં પુષ્કળ પ્રમાણમાં વરસાદ પડવાને કારણે નદી-નાળાં અને ડેમ છલકાતા જોવા મળશે. પરંતુ આ જ સમય દરમિયાન ગુજરાતના કેટલાક વિસ્તારોમાં વરસાદની ખેંચ (Possibility of rain deficit ) પણ જોવા મળી શકે છે.
આ પણ વાંચોઃ બિહારમાં કુદરતી આફત: તોફાન, વરસાદ અને વીજળીના કારણે 27ના મોત, ગંગામાં 3 બોટ પલટી
વધુમાં મોહનભાઈ દલસાણીયાએ આગાહી(Rainfall Forecast) વ્યક્ત કરતા જણાવ્યું હતું કે આવનારું ચોમાસું (Monsoon 2022) દક્ષિણ દિશા માટે અને ખાસ કરીને દક્ષિણ ભારત અને દક્ષિણ ગુજરાતમાં ખૂબ સારો વરસાદ લાવશે તેવી આગાહી પણ કસના આધારે કરી છે.
