અમદાવાદઃ PCBએ ફરી એકવાર ઈંગ્લીશ દારૂ પકડ્યો છે. સોલા વિસ્તારમાં ગાડીમાં રાખેલી 60 દારૂની ઈમ્પોર્ટેડ બોટલ સાથે 1 આરોપીની ધરપકડ કરી છે. સોલા પોલીસ સ્ટેશનની હદમાં રેડ કરી દારૂ સાથે આરોપીને પકડ્યો હતો. આરોપીને સોલા પોલીસને સોંપ્યો છે.
શહેરના સોલા વિસ્તારમાં ભાગવત વિદ્યાપીઠ પાસે આવેલા સુદર્શન સ્ટેટ્સ ફ્લેટના પાર્કિંગ બાતમીના આધારે PCBએ રેડ કરી હતી. રેડ દરમિયાન 60 નંગ ઈંગ્લીશ દારૂ સાથે એક આરોપીને ઝડપી પાડ્યો છે. 60 હજારની દારૂનો બોટલો સાથે કુલ 4 લાખ 62 હજારનો મુદ્દામાલ કબજે કરવામાં આવ્યો છે.
આરોપીને દારૂ સાથે પકડીને PCBએ સોલા પોલીસને મુદ્દામાલ અને આરોપીને સોંપ્યા છે.પરંતુ આ મામલે સોલા પોલીસ ઊંઘતી હોય તેવું લાગી રહ્યું છે. કારણકે પોલીસ સ્ટેશનથી માત્ર 1 કિલોમીટર દૂર દારૂનો જથ્થો પકડાયો છે.
