અમદાવાદ: અમદાવાદ એરપોર્ટ પરથી (Drugs seized from Ahmedabad airport) ફરી એક વખત DRI દ્વારા બે કિલો હેરોઇનનો જથ્થો કબ્જે કર્યો હતો. હેરોઈનનો જથ્થો તાન્ઝાનિયાનો શખ્સ લઈને આવી રહ્યો હોવાની DRIને અગાઉથી જ બાતમી હતી. જેના પગલે એરપોર્ટ પર પહેલાથી જ સર્ચ કરી રહેલા અધિકારીની ઝપટે આરોપી ચડ્યો હતો. તેની તપાસ કરતા તેની પાસેથી ગુપ્ત ખાનામાં છુપાવાયેલું 2 કિલો હેરોઇન ઝડપાયું હતું. જેની આશરે બજાર કિંમત 14 કરોડ રૂપિયા હોવાનું મનાઇ રહ્યું છે. DRIના અધિકારીઓએ અમદાવાદ ઇન્ટરનેશનલ એરપોર્ટ (Ahmedabad International Airport) પર પેસેન્જરને અટકાવ્યો હતો.
આ પણ વાંચો: અરબી સમુદ્રમાંથી 800 કિલો ડ્રગ્સ ઝડપાયું
ફિલ્ડ ડ્રગ્સ આઇડેન્ટિફિકેશન ટેસ્ટ કીટનો ઉપયોગ કરીને પરીક્ષણ કર્યું
તાન્જાનિયન નાગરિકના સામાનની તપાસ દરમિયાન બ્રાઉન પાવડરી પદાર્થથી ભરેલી એક પ્લાસ્ટિકની થેલી સામાનના તળિયે ખોટા પોલાણમાં છુપાવેલી મળી આવી હતી. ફોરેન્સિક સાયન્સ લેબોરેટરીના અધિકારીઓએ ફિલ્ડ ડ્રગ્સ આઇડેન્ટિફિકેશન ટેસ્ટ કીટનો ઉપયોગ કરીને પરીક્ષણ કર્યું હતું. પેસેન્જરોના ચેક-ઇન બેગેજમાંથી પ્રાપ્ત થયેલા પેકેજોમાં સમાવિષ્ટ ગ્રાન્યુલ્સ, પાઉડરના બ્રાઉન રંગના મિશ્રણના પ્રાથમિક પરીક્ષણમાં NDPS ડ્રગ્સ હેરોઈન માટે સકારાત્મક પરીક્ષણ કરવામાં આવ્યું હતું.
આ પણ વાંચો: અંકલેશ્વર પોલીસે ડ્રગ્સ સાથે ત્રણ આરોપી ઝડપાયા
પ્લાસ્ટિકની થેલીમાંથી કુલ 2 કિલો હેરોઈન મળી આવ્યું
પ્લાસ્ટિકની થેલીમાંથી કુલ 2 કિલો હેરોઈન મળી આવ્યું હતું. જે ડીઆરઆઇ દ્વારા જપ્ત કરવામાં આવ્યું હતું. ઝડપાયેલા આરોપી વિરુદ્ધ એનડીપીએસ એક્ટ, 1985 હેઠળ ધરપકડ કરવામાં આવી છે. તાંઝાનિયાના નાગરિકની ડ્રગ હેરફેરમાં પોતાની સંડોવણી સ્વીકારી હતી. ઝડપાયેલા શખ્સ વિરુદ્ધ NDPS એક્ટ, 1985 ની જોગવાઈઓ મુજબ સામાનમાં છુપાવીને ભારતમાં નાર્કોટિક ડ્રગ લઈ જવા સહિતની વિવિધ કલમો હેઠળ ધરપકડ કરવામાં આવી છે. હાલ તો તેની ધરપકડ કરીને આગળની કાયદેસરની કાર્યવાહી હાથ ધરી છે. છેલ્લા 15 દિવસમાં અમદાવાદ એરપોર્ટ પર આ પાંચમી વખત ડીઆરઆઇ દ્વારા દરોડા પાડીને હેરોઈનનો જથ્થો જપ્ત કરવામાં આવ્યો છે. 90 કરોડની કિંમતનું કુલ 13 કિલો હેરોઈન ઝડપી લેવામાં સફળતા મળી છે.
