ગવર્મેન્ટ મહિલા પોલિટેકનિક કોલેજમાં કોરોનાનો પગપેસારો

રાજ્યમાં વિદ્યાર્થીઓનું જીવન ન જોખમાય તે માટે સરકાર દ્વારા સ્કૂલો અને કોલેજો બંધ કરવામાં આવી છે. ત્યારે અમદાવાદની ગર્વમેન્ટ મહિલા પોલિટેકનિક કોલેજમાં કોરોનાએ પગપેસારો કર્યો છે.

• ગર્વમેન્ટ મહિલા પોલિટેકનિકમાં કોરોનાએ પગપેસારો કર્યો
• પોલિટેક્નિકમાં અત્યાર સુધી 9 કેસો સામે આવ્યા
• વર્ક ફ્રોમ હોમ અંગે સંચાલકો વિચારણા કરી રહ્યા

અમદાવાદ : પોલિટેકનિક કોલેજમાં છેલ્લા ત્રણ દિવસમાં 9 કેસ સામે આવતા ફફડાટ વ્યાપો છે. આ મામલે સંચાલકને ખબર પડતાં જ શિક્ષણવિભાગને જાણ કરવામાં આવી હતી. 9 કોરોના ગ્રસ્ત દર્દીના સંપર્કમાં આવેલા 95 કર્મચારીઓના કોવિડ ટેસ્ટ કરવામાં આવ્યા હતા. ત્યારે પોલિટેકનિક કોલેજને સેનેટાઇઝ કરવામાં આવી હતી.

પ્રોફેસરોએ વર્ક ફ્રોમ હોમ માટે સંચાલકોને રજૂઆત કરી

પોલિટેકનિકના પ્રોફેસરોએ વર્ક ફ્રોમ હોમ માટે સંચાલકોને રજૂઆત કરી છે. ત્યારે આગામી દિવસોમાં વર્ક ફ્રોમ હોમ અંગે સંચાલકો વિચારણા કરી રહ્યા છે. આગામી સમયમાં કોરોના સંક્રમણ ન વધે તે માટે પ્રયાસો હાથ ધરવામાં આવ્યા છે.