નવી દિલ્હી: રિલાયન્સ ઇન્ડસ્ટ્રીઝના ચેરમેન મુકેશ અંબાણી બિઝનેસ ટાયકૂન છે, પરંતુ તેમનો પુત્ર પણ આ વારસાને જાળવી રાખવાના માર્ગ પર છે. મુકેશ અંબાણીના મોટા પુત્ર આકાશ અંબાણી ભારતીય કોર્પોરેટ જગતમાં પોતાની ઓળખ બનાવી રહ્યા છે. આકાશ એક ગતિશીલ બિઝનેસ લીડર છે જે રિલાયન્સ ઇન્ડસ્ટ્રીઝના Jio પ્લેટફોર્મની લગામ ખૂબ સારી રીતે સંભાળી રહ્યો છે. હાલમાં જ Jio ના નાણાકીય વર્ષ 2023 ના Q4 નું પરિણામ આવ્યું છે. જેમાં કંપનીની આવકમાં 12 ટકાનો વધારો થયો છે. કંપનીનું મજબૂત પ્રદર્શન આકાશની બિઝનેસ લીડરશીપ, તેની કુશળતા અને બિઝનેસ વ્યૂહરચના કૌશલ્યને દર્શાવે છે. આવો જાણીએ આકાશના શિક્ષણ, વ્યવસાયિક સફર, કંપનીમાં તેની સ્થિતિ અને નેટવર્થ વિશે....
આકાશ અંબાણીનું શિક્ષણ: આકાશ અંબાણી ભારતીય બિઝનેસ ટાયકૂન મુકેશ અંબાણી અને નીતા અંબાણીના મોટા પુત્ર છે. તેણે મુંબઈની ધીરુભાઈ અંબાણી ઈન્ટરનેશનલ સ્કૂલમાંથી સ્કૂલનો અભ્યાસ પૂરો કર્યો છે. આ પછી તેણે યુએસએના રોડ આઇલેન્ડની બ્રાઉન યુનિવર્સિટીમાંથી અર્થશાસ્ત્રમાં ગ્રેજ્યુએશનની ડિગ્રી મેળવી.
આકાશ અંબાણીના લગ્નઃ આકાશ અંબાણીએ માર્ચ 2019માં શ્લોકા મહેતા સાથે લગ્ન કર્યા હતા. શ્લોકા મહેતા હીરાના વેપારી રસેલ મહેતાની પુત્રી છે. આકાશ અને શ્લોકાના લગ્ન ભવ્ય રીતે થયા. જેમાં દેશ-વિદેશની અનેક હાઈ-પ્રોફાઈલ હસ્તીઓએ ભાગ લીધો હતો.
આ પણ વાંચોઃ MARUTI SUZUKI LAUNCHES : મારુતિ સુઝુકીએ સ્થાનિક બજારમાં લોન્ચ કરી નવી Fronx SUV, 7 લાખથી સ્ટાર્ટ
આકાશની કંપનીમાં સ્થાન: આકાશ અંબાણી તેમના વ્યાવસાયિક જીવનમાં તેમના પિતાના બિઝનેસ સામ્રાજ્યની મુખ્ય કંપની રિલાયન્સ ઇન્ડસ્ટ્રીઝ લિમિટેડ સાથે સંકળાયેલા છે. ગયા વર્ષે જૂનમાં આકાશ અંબાણીએ રિલાયન્સ જિયોના ચેરમેન તરીકેની જવાબદારી સંભાળી હતી. તેમના વર્તમાન પદ પહેલા, તેઓ રિલાયન્સ જિયો ઈન્ફોકોમ લિમિટેડમાં નોન-એક્ઝિક્યુટિવ ડિરેક્ટરનું પદ સંભાળતા હતા.
આકાશ અંબાણીની કુલ સંપત્તિ: StarSunFolded અનુસાર, આકાશ અંબાણીની કુલ સંપત્તિ લગભગ 40 બિલિયન ડોલર (ભારતીય ચલણમાં રૂપિયા 40,000 કરોડ) છે, જે તેમને ભારત અને વિશ્વના સૌથી ધનિક વ્યક્તિઓમાંના એક બનાવે છે. આકાશે જિયો પ્લેટફોર્મ્સ અને રિલાયન્સ રિટેલ સહિત રિલાયન્સ ગ્રૂપની અન્ય ઘણી કંપનીઓમાં વિવિધ હોદ્દા પર પણ કામ કર્યું છે. આકાશના નેતૃત્વ હેઠળ, Jio પ્લેટફોર્મ્સ, હાઇ-સ્પીડ ઇન્ટરનેટ, વૉઇસ કૉલિંગ અને કન્ટેન્ટ સ્ટ્રીમિંગ જેવી સુવિધાઓ સાથે ભારતમાં અગ્રણી ડિજિટલ સેવા પ્રદાતાઓમાંનું એક બની ગયું છે. કંપનીએ ઈ-કોમર્સમાં પણ વિસ્તરણ કર્યું છે અને આ ક્ષેત્રમાં ઘણા સ્ટાર્ટઅપ્સ હસ્તગત કર્યા છે.
