નવી દિલ્હી: દેશની અગ્રણી કાર ઉત્પાદક કંપની મારુતિ સુઝુકી ઇન્ડિયા (MSI) એ સોમવારે સ્થાનિક બજારમાં તેની નવી કોમ્પેક્ટ SUV 'Fronx' રજૂ કરી છે. દિલ્હીમાં તેની શોરૂમ કિંમત 7.46 લાખ રૂપિયા છે. તે જ સમયે, તેના ટોપ વેરિઅન્ટની કિંમત 13.13 લાખ રૂપિયા છે. કંપનીએ આ વર્ષે જાન્યુઆરીમાં આયોજિત ઓટો એક્સપોમાં 'Fronx' રજૂ કરી હતી.
કારની વિશેષતાઓ: 'Fronx'ને 1.2-લિટર પેટ્રોલ અને 1-લિટર ટર્બો બૂસ્ટરજેટ એન્જિન વિકલ્પો સાથે ઓફર કરવામાં આવી છે. આ મોડલના 1.2L વેરિઅન્ટની કિંમત રુપિયા 7.46 લાખથી રૂપિયા 9.27 લાખ સુધીની છે. એક લિટર ટર્બો બૂસ્ટરજેટ એન્જિન વેરિઅન્ટની કિંમત 9.72 લાખથી 13.13 લાખ રુપિયા, એક્સ-શોરૂમ દિલ્હીની વચ્ચે છે.
તમે આ SUVને રૂ. 11,000માં બુક કરાવી શકો છો: મારુતિ સુઝુકી ઈન્ડિયા (MSI) એ આ વર્ષની શરૂઆતમાં 'ઓટો શો-2023'માં વૈશ્વિક સ્તરે ફ્રેન્કનું અનાવરણ કર્યું હતું. ત્યારથી આ કારનું બુકિંગ શરૂ થઈ ગયું હતું. ગ્રાહકો આ SUVને મારુતિ સુઝુકીની પ્રીમિયમ ડીલરશિપ Nexa દ્વારા રૂપિયા11,000માં બુક કરાવી શકે છે. અત્યાર સુધીમાં કંપનીને 20,000થી વધુ બુકિંગ મળ્યા છે.
આ પણ વાંચોઃ Reliance Jio Profit: ચોથા ક્વાર્ટરમાં રિલાયન્સનો ચોખ્ખો નફો વધીને રૂ.19,299 કરોડ થયો, JIOનો નફો 13 ટકા વધ્યો
મારુતિના CEOએ પ્રતિબદ્ધતા વ્યક્ત કરી: MSI મેનેજિંગ ડિરેક્ટર અને ચીફ એક્ઝિક્યુટિવ ઓફિસર (CEO) હિસાશી ટેકયુચીએ એક નિવેદનમાં જણાવ્યું હતું કે, ગ્રાહકોની વિવિધ જરૂરિયાતો અને ઉદ્યોગના વલણોને સમજવામાં મોખરે હોવાનો કંપનીને ગર્વ છે. તેણે કહ્યું, 'બ્રેઝા સાથેની અમારી સફળતા આ પ્રતિબદ્ધતાની સાક્ષી છે. SUV તરફ ગ્રાહકોની પસંદગીઓમાં ઝડપી ફેરફાર સાથે, અમે ઉદ્યોગમાં નવા પેટા-સેગમેન્ટની શરૂઆતને માન્યતા આપી છે. ટેકયુચીએ વધુમાં જણાવ્યું હતું કે, ફ્રોક્સની ઓફર આ સેક્ટરમાં અમારા કામ પ્રત્યે અમારી કંપનીની પ્રતિબદ્ધતા દર્શાવે છે.
