ETV Bharat / bharat

Bangalore News : બેંગલોરમાં ઈમારતની ટોચ પરની પાણીની ટાંકી ધરાશાયી, 2 લોકોના કરુણ મોત

author img

By

Published : Aug 3, 2023, 5:55 PM IST

Bangalore News
Bangalore News

બેંગલોરમાં બુધવારે મોડી રાત્રે એક ભયાનક દુર્ઘટના બની હતી. આ દુર્ઘટનામાં બિલ્ડિંગની ટોચ પર બનેલી પાણીની ટાંકી તૂટી પડી હતી. આ અકસ્માતમાં બે લોકોના મોત થયા હતા. જ્યારે અન્ય એક વ્યક્તિ ગંભીર રીતે ઘાયલ થયો હતો. ટાંકીમાં પાણી ભરાવાથી તેની દીવાલ નબળી પડી હતી જેના કારણે તે તૂટી પડી હતી.

બેંગલોર : રાજધાનીના શિવાજીનગર પોલીસ સ્ટેશન વિસ્તારમાં મોડી રાત્રે એક ભયાનક દુર્ઘટના સર્જાઈ હતી. આ ઘટનામાં ચાર માળની ઈમારતની ટોચ પર બનેલી સિમેન્ટની ટાંકીની દિવાલ ધરાશાયી થઈ ગઈ હતી. આ અકસ્માતમાં કાટમાળ નીચે ઉભેલા ફાસ્ટ ફૂડની દુકાનના માલિક અને એક ગ્રાહક પર પડવાના કારણે બંનેનું મોત થયું હતું. આ ઘટનામાં બે લોકોના મોત નીપજ્યા હતા. જ્યારે અન્ય બે લોકો ગંભીર રીતે ઘાયલ થયા હતા. ઈજાગ્રસ્તોને હોસ્પિટલમાં દાખલ કરવામાં આવ્યા હતા.

પાણીની ટાંકી ધરાશાયી : મૃતકોમાંથી એકનું 40 વર્ષીય અરુલ છે. જ્યારે બીજા વ્યક્તિની ઓળખ હજુ સુધી થઈ શકી નથી. ચાર માળની ઈમારતની ઉપર સિમેન્ટની પાણીની ટાંકી હતી. તે બિલ્ડિંગની નીચે એક લારી પર ફાસ્ટ ફૂડની દુકાન હતી. ટાંકીમાં પાણી ભરાવાથી તેની દીવાલ નબળી પડી હતી જેના કારણે તે તૂટી પડી હતી. જેના કારણે દુકાન માલિક અને એક ગ્રાહકનું ઘટનાસ્થળે જ મોત નીપજ્યું હતું. જ્યારે અન્ય બે ગ્રાહકો ગંભીર રીતે ઘાયલ થયા હતા. ઈજાગ્રસ્તોને શહેરની બોરિંગ હોસ્પિટલમાં દાખલ કરવામાં આવ્યા હતા. શિવાજીનગર પોલીસે ઘટના સ્થળે પહોંચી આ મામલે તપાસ હાથ ધરી હતી.

આ હૃદયદ્રાવક ઘટના બુધવારે રાત્રે 10:30 વાગ્યે બની હતી. શિવાજીનગર બસ સ્ટેન્ડ પાસે એક ઈમારતની ઉપર બનેલી સિમેન્ટની ટાંકી ધરાશાયી થઈ ગઈ હતી. જેના કારણે તેની ઉપર રાખેલી પાણીની ટાંકી તૂટી પડી હતી.-- ડો. ભીમા શંકર ગુલેડ (DCP, ઈસ્ટ ડિવિઝન)

2 લોકોના મોત : ઘટનાસ્થળની મુલાકાત લેનાર ઈસ્ટ ડિવિઝનના ડીસીપી ડો. ભીમા શંકર ગુલેડે માહિતી આપી હતી કે, પાણીની ટાંકી નીચે આવી જતાં બે લોકોના મોત થયા હતા. જ્યારે અન્ય એક વ્યક્તિ ગંભીર રીતે ઘાયલ થયો હતો. ઈજાગ્રસ્તને પ્રથમ બોરિંગ હોસ્પિટલમાં લઈ જવામાં આવ્યા હતા. ત્યારબાદ વિક્ટોરિયા હોસ્પિટલમાં ખસેડવામાં આવ્યા છે. દેખીતી રીતે જ ઈમારત પર ઓવર ટાંકીનું બાંધકામ અવૈજ્ઞાનિક છે. તેમણે કહ્યું કે, યોગ્ય તપાસ બાદ દોષિતો સામે કાર્યવાહી કરવામાં આવશે.

  1. Bangalore Hit and run case: ડિવાયડર સાથે કાર ઘસડી જતા યુવતી ગંભીર રીતે ઘાયલ, આરોપીની ધરપકડ
  2. કર્ણાટકઃ અજાણ્યા હુમલાખોરોએ કરી બદમાશની હત્યા, ઘટના CCTVમાં કેદ
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.