નવી દિલ્હી: સુપ્રીમ કોર્ટે બોમ્બે હાઈકોર્ટના ચીફ જસ્ટિસ દેવેન્દ્ર કુમાર ઉપાધ્યાયે 'ખોટી' રીતે શપથ લીધા હોવાનો દાવો કરતી PIL પર 5 લાખ રૂપિયાનો દંડ ફટકાર્યો છે. સર્વોચ્ચ અદાલતે આ પ્રકારની અરજીને પ્રસિદ્ધિ મેળવવાનો વ્યર્થ પ્રયાસ ગણાવ્યો હતો. મુખ્ય ન્યાયાધીશ ડી.વાય. ચંદ્રચુડની અધ્યક્ષતાવાળી ખંડપીઠે કહ્યું કે રાજ્યપાલ દ્વારા શપથ લેવડાવવામાં આવ્યા છે અને શપથ લીધા પછી હસ્તાક્ષર લેવામાં આવ્યા છે, તેથી આવા વાંધાઓ ઉઠાવી શકાય નહીં. ખંડપીઠમાં જસ્ટિસ જે. બી. પારડીવાલા અને જસ્ટિસ મનોજ મિશ્રા પણ સામેલ હતા.
સુપ્રીમ કોર્ટેની ટકોર: સુપ્રીમ કોર્ટે કહ્યું કે પ્રસિદ્ધિ મેળવવા માટે પીઆઈએલનો ઉપયોગ કરવાનો આ એક વ્યર્થ પ્રયાસ હતો. ખંડપીઠે કહ્યું, 'અરજીકર્તા એવો વિવાદ કરી શકે નહીં કે પદના શપથ યોગ્ય વ્યક્તિને અપાયા હતા. રાજ્યપાલ દ્વારા શપથ લેવામાં આવે છે અને શપથ પછી સહીઓ લેવામાં આવે છે. તેથી આવો વાંધો ઉઠાવી શકાય નહીં.
કોર્ટે કહ્યું, 'અમે સ્પષ્ટપણે માનીએ છીએ કે આવી નકલી પીઆઈએલ કોર્ટનો સમય બગાડે છે અને ધ્યાન પણ હટાવે છે. આવા કિસ્સાઓને કારણે કોર્ટનું ધ્યાન વધુ ગંભીર બાબતો પરથી હટાવવામાં આવે છે અને આ રીતે ન્યાયિક માનવ સંસાધન અને કોર્ટ રજિસ્ટ્રીના માળખાકીય સુવિધાઓનો દુરુપયોગ થાય છે.
શું છે મામલો?: ટોચની અદાલત અશોક પાંડે દ્વારા દાખલ કરવામાં આવેલી પીઆઈએલની સુનાવણી કરી રહી હતી, જેમાં તેણે કહ્યું હતું કે તે બોમ્બે હાઈકોર્ટના મુખ્ય ન્યાયાધીશને આપવામાં આવેલી 'ખામીયુક્ત શપથ'થી નારાજ છે. અરજદારે કહ્યું કે મુખ્ય ન્યાયાધીશે બંધારણની ત્રીજી અનુસૂચિનું ઉલ્લંઘન કરીને શપથ લેતી વખતે તેમના નામની આગળ 'હું' શબ્દનો ઉપયોગ કર્યો નથી. તેમણે એવી પણ દલીલ કરી હતી કે કેન્દ્રશાસિત પ્રદેશ દાદરા અને નગર હવેલી અને દમણ અને દીવ સરકારના પ્રતિનિધિઓ અને વહીવટકર્તાઓને શપથ ગ્રહણ સમારોહમાં આમંત્રણ આપવામાં આવ્યું ન હતું.
