જયપુર: 22 જાન્યુઆરીએ અયોધ્યામાં યોજાનારી પ્રાણ પ્રતિષ્ઠા કાર્યક્રમને લઈને સમગ્ર દેશમાં ભારે ઉત્સાહ છે. લગભગ 500 વર્ષની રાહ જોયા બાદ ભગવાન રામ પોતાના મંદિરમાં બિરાજમાન થશે. આ ખાસ દિવસને યાદગાર બનાવવા માટે, લોકો માત્ર દીપોત્સવની ઉજવણી કરવા માટે જ તૈયાર નથી, પરંતુ કેટલાક પરિવારો એવા પણ છે જે ઈચ્છે છે કે તેમના ઘરમાં પણ 'રામ લલ્લા'નો જન્મ થાય. જયપુરની ઘણી ગર્ભવતી મહિલાઓ ઈચ્છે છે કે, 22 જાન્યુઆરીએ જ તેમના ઘરે નવા મહેમાન આવે. આ માટે તેઓ પોતાની સિઝેરિયન ડિલિવરી પ્રીપોન્ડ પણ કરાવવા માંગે છે.
22 જાન્યુએ ડિલિવરીની ડિમાન્ડ: સામાન્ય રીતે લોકો સિઝેરિયન ડિલિવરી માટે શુભ સમય જુએ છે. આ વખતે 22 જાન્યુઆરીની તારીખને લઈને લોકોમાં જબરદસ્ત ઉત્સાહ છે, જેનું કારણ એ છે કે અયોધ્યામાં બનેલા રામ મંદિરમાં ભગવાન હાજર રહેશે. આવી સ્થિતિમાં રાજધાની જયપુરની ઘણી ગર્ભવતી મહિલાઓ અને તેમના પરિવારના સભ્યો ઈચ્છે છે કે, 22 જાન્યુઆરીએ જ તેમના ઘરે નાનો મહેમાન આવે. દીકરો હોય તો રામલલા અને દીકરી હોય તો માતા જાનકીનું રૂપ હોવું જોઈએ. અત્યાર સુધીમાં સમગ્ર જયપુરની ખાનગી હોસ્પિટલોમાં આ ખાસ દિવસ માટે બે ડઝનથી વધુ માંગણીઓ આવી ચુકી છે.
સર્ગભા મહિલાઓની ઈચ્છા: જયપુરના સિનિયર ગાયનેકોલોજિસ્ટ ડૉ. સુરભી ગર્ગે જણાવ્યું હતું કે, સામાન્ય રીતે ડૉક્ટરો કોઈપણ સગર્ભા સ્ત્રીની નોર્મલ ડિલિવરી કરાવવાને પ્રાથમિકતા આપે છે. સિઝેરિયન ડિલિવરી માત્ર મહિલાઓની પ્રેગ્નન્સીની તકલીફોને ધ્યાનમાં રાખીને કરવામાં આવે છે, પરંતુ તાજેતરમાં ઘણી સગર્ભા સ્ત્રીઓ જેમની સિઝેરિયન ડિલિવરીની તારીખ 22 જાન્યુઆરી પહેલાં કે પછીની છે, તેમણે 22 જાન્યુઆરીએ જ ડિલિવરી કરાવવાની ઈચ્છા વ્યક્ત કરી છે. 29-30 જાન્યુઆરીની ડિલિવરી તારીખ ધરાવતી ગર્ભવતી મહિલા દર્દીઓ ઇચ્છે છે કે, તેમની ડિલિવરી 22 જાન્યુઆરીએ થાય. સામાન્ય ડિલિવરી અણધારી હોવા છતાં, સિઝેરિયન ડિલિવરી કરાવેલી સગર્ભા સ્ત્રીઓ ઈચ્છે છે કે તેમની ડિલિવરી 22 જાન્યુઆરીએ જ થાય.
તબીબોનું વલણ: ડૉ. સુરભીએ કહ્યું કે ગર્ભવતી મહિલાઓ માને છે કે તેમના ઘરે 22 જાન્યુઆરીએ ભગવાન શ્રી રામનો જન્મ થવો જોઈએ. આવી સ્થિતિમાં એક-બે નહીં પરંતુ અડધો ડઝન કેસ છે. આ માટે તેણે જ્યોતિષ અને પંડિતોને પણ પૂછ્યા છે. તેમણે કહ્યું કે આ દિવસોમાં લોકોમાં ભક્તિની લાગણી વધુ પ્રબળ બની રહી છે. જન્માષ્ટમી, શિવરાત્રી અને નવા વર્ષ પર પણ લોકો સમાન શુભ સમયનું આયોજન કરે છે. તેમણે સ્પષ્ટ કર્યું કે જ્યાં બાળકની પ્રિમેચ્યોર થવાની સંભાવના હોય ત્યાં કોઈ કેસ લેવામાં આવશે નહીં. આ સાથે, ઓપરેશન થિયેટરમાં થોડું સંગીત વગાડી શકાય છે. તે સમયે રામ ભજન અથવા હનુમાન ચાલીસા વગાડવામાં આવશે. હોસ્પિટલમાં જન્મેલા નવજાત શિશુઓ માટે ખાસ પીળા રંગના કપડા પણ મંગાવવામાં આવ્યા છે. બાળકો માટે પણ નાની-નાની માળા રાખવાના પ્રયાસો કરવામાં આવશે. 22 જાન્યુઆરીએ હોસ્પિટલમાં જન્મેલા તમામ બાળકોનું વિશેષ સ્વાગત કરવામાં આવશે.
આ દિવસને બનાવીશું યાદગાર: સુનીતા નામની ગર્ભવતી મહિલાએ કહ્યું કે, તે 22 જાન્યુઆરીએ તેની ડિલિવરી કરાવવા માંગે છે. તેની ડિલિવરી ડેટ 24મી જાન્યુઆરી છે, પરંતુ તેનો પરિવાર અને તે પોતે પણ ઈચ્છે છે કે જો ડિલિવરી સિઝેરિયનથી થવાની હોય તો 2 દિવસ પછીની ડિલિવરી બે દિવસ પહેલા થઈ જાય, તો રામ સ્વરૂપ ઘરે આવે. તેણે કહ્યું કે ડોક્ટરોએ કોઈપણ પ્રકારના જોખમને નકારી કાઢ્યું છે. ઘરમાં પણ બધા 22મી જાન્યુઆરીની ઉજવણીની તૈયારીઓ કરી રહ્યા છે. ગર્ભવતી મહિલાના પતિ જિતેન્દ્રએ જણાવ્યું કે 22 જાન્યુઆરીએ મોટો તહેવાર છે. આપણા જીવનમાં આ દિવસો જોવા મળે તે ખૂબ જ ખુશીની વાત છે. ડિલિવરી સિઝેરિયન કરવાની હોય તો બે દિવસ પહેલાં કેમ નહીં. માત્ર તેમનું ઘર જ નહીં પરંતુ આખી કોલોની શ્રી રામલલાના સ્વાગતની આતુરતાથી રાહ જોઈ રહી છે.
22મી જાન્યુઆરીએ બની રહ્યા છે આ યોગઃ બીજી તરફ જ્યોતિષ શાસ્ત્રોના વિદ્વાનોએ 22મી જાન્યુઆરીને ખાસ ગણાવી છે. જ્યોતિષીચાર્ય ડૉ. અમિત વ્યાસે જણાવ્યું હતું કે, 22 જાન્યુઆરી 2024 એ હિન્દુ સનાતન ધર્મ માટે ઐતિહાસિક દિવસ છે. આ દિવસે અયોધ્યામાં ભગવાન શ્રી રામલલાની મૂર્તિનો અભિષેક થશે. આ મુહૂર્ત એટલા માટે પણ પસંદ કરવામાં આવ્યું છે, કે તે દિવસે અમૃત સિદ્ધિ યોગ, સર્વાર્થ સિદ્ધિ યોગ અને રવિ યોગની રચના થઈ રહી છે. એટલે કે આ સમયે જે પણ કાર્ય કરવામાં આવશે તે ચમત્કારિક અને સાર્થક પરિણામ ધરાવનારૂં બની રહેશે.
22 જાન્યુ.ના દિવસનું વિશેષ મહાત્મય: તેમણે કહ્યું કે કેટલાક નવ દંપતિ તેમની પાસે આવ્યાં હતાં જેઓ 22 જાન્યુઆરીએ બાળકનો જન્મ ઈચ્છે છે, કારણ કે આ સમયગાળા દરમિયાન જન્મેલ બાળક બહાદુર હશે, અને તેમના સમાજમાં સન્માન, સ્થાન અને પ્રતિષ્ઠા પ્રાપ્ત કરનારા હસશે. આ બાળકો સૂર્યની જેમ ચમકશે અને ચંદ્રની જેમ ઉત્સાહી હશે. તેમણે જણાવ્યું હતું કે 22 જાન્યુઆરીના દિવસે ચંદ્રમાં વૃષભ રાશિમાં રહેશે. આવી સ્થિતિમાં 11:59 થી 12:54 સુધીનું મુહૂર્ત રહેશે. દરમિયાન, જો બાળકનો જન્મ થાય છે, તો તે સમાજમાં મહત્વપૂર્ણ ભૂમિકા ભજવશે અને તેના પરિવારને પણ ગૌરવ અપાવશે.
