પ્રયાગરાજ: અલ્હાબાદ હાઈકોર્ટે મથુરા-વૃંદાવનના 22 વોર્ડમાં રાજ્ય સરકાર દ્વારા દારૂ અને માંસના વેચાણ (Mathura- Vrindavan liquor and meat sales ) પર પ્રતિબંધ વિરુદ્ધ દાખલ કરવામાં આવેલી પીઆઈએલ (Pil in Allahabad court)ને ફગાવી દીધી છે. કોર્ટે કહ્યું કે, ભારત વિવિધતાઓનો દેશ છે. જો દેશમાં એકતા જાળવવી હોય તો તમામ સમુદાયો અને ધર્મોનું સન્માન ખૂબ જ જરૂરી છે.
આ પણ વાંચો: bomb call Srinagar Airport: હોક્સ બોમ્બ કોલથી શ્રીનગર એરપોર્ટ પર ગો ફર્સ્ટ ફ્લાઈટમાં વિલંબ થયો
દેશમાં વિવિધતા હોવા છતાં, એકતા અહીંની સુંદરતા છે. મથુરાના સામાજિક કાર્યકર્તા શાહિદા દ્વારા દાખલ કરવામાં આવેલી જાહેર હિતની અરજી પર જસ્ટિસ પ્રિતિંકર દિવાકર અને જસ્ટિસ આશુતોષ શ્રીવાસ્તવની ડિવિઝન બેંચે આ આદેશ આપ્યો છે. અરજદાર દ્વારા કહેવામાં આવ્યું છે કે, સ્થાનિક પોલીસ લોકોને હેરાન કરી રહી છે. તેમને આમ કરવાથી રોકવું જોઈએ અને દારૂ અને માંસના વેચાણ પરનો પ્રતિબંધ (Ban on liquor and nonveg) હટાવવો જોઈએ. પોતાની પસંદગીનું ભોજન ખાવું એ લોકોના મૂળભૂત અધિકારનો એક ભાગ છે.
કોર્ટે કહ્યું કે, તે સરકાર દ્વારા લાદવામાં આવેલા પ્રતિબંધની કાયદેસરતાને ધ્યાનમાં લઈ રહી નથી, કારણ કે અરજીમાં પ્રતિબંધ લાદવાના આદેશને પડકારવામાં આવ્યો નથી. કોર્ટે વધુમાં કહ્યું કે, મથુરા-વૃંદાવન એક પવિત્ર સ્થળ છે અને ત્યાં મોટી સંખ્યામાં શ્રદ્ધાળુઓ આવે છે. 10 સપ્ટેમ્બર 2021 ના રોજ, રાજ્ય સરકારે મથુરા-વૃંદાવન કૃષ્ણ જન્મભૂમિની 10 ચોરસ કિલોમીટરની ત્રિજ્યામાં દારૂ અને માંસના વેચાણ પર પ્રતિબંધ મૂક્યો છે. મથુરાના ફૂડ પ્રોસેસિંગ ઓફિસર, ફૂડ સેફ્ટી એન્ડ ડ્રગ્સે એક આદેશ પસાર કર્યો હતો અને તાત્કાલિક અસરથી માંસ વેચતી દુકાનોનું રજિસ્ટ્રેશન (Nonveg stall registration cancel) રદ કર્યું હતું. સ્થાનિક વહીવટીતંત્રના આ આદેશથી દુઃખી થઈને અરજદારે સામાજિક કાર્યકર તરીકે જાહેર હિતની અરજી કરી હતી.
