નવી દિલ્હીઃ એશિયા કપ 2022, 27 ઓગસ્ટથી શરૂ થઈ ગયો છે. દરેકની નજર મહાન મેચ પર એટલે કે ભારત અને પાકિસ્તાન વચ્ચેની મેચ પર ટકેલી છે. રવિવારે એટલે કે આજે દુબઈ સ્ટેડિયમમાં બંને દેશોની ટીમો સામે-સામે થશે. આજે જ્યારે ક્રિકેટ મેચ શરૂ થશે ત્યારે ઉનાળાની વચ્ચે દુબઈનું વાતાવરણ અલગ જ રંગ દેખાડશે. જો કે સોશિયલ મીડિયા પર ભારત-પાકિસ્તાન મેચની અટકળો ખૂબ જ ઝડપી છે. એકવાર રમત શરૂ થઈ જાય ત્યારબાદ ભારત-પાકિસ્તાનની (India Pakistan Match) અથડામણની ઉત્તેજના ચાહકોને વધુ વ્યસ્ત રાખશે.
આ પણ વાંચો વડાપ્રધાન મોદી આજે વિશ્વના સૌથી મોટા પ્લાન્ટનું કરશે શિલાન્યાસ
શાહીન શાહ ઈજાને કારણે ટીમની બહાર બંને ટીમો એકબીજાને ટક્કર આપવા માટે તૈયાર છે. જોકે, ભારતનો જસપ્રિત બુમરાહ અને પાકિસ્તાનનો શાહીન શાહ આફ્રિદી આ મેચમાં ભાગ લેશે નહીં. જ્યારે બુમરાહ પીઠની ઈજા સામે ઝઝૂમી રહ્યો છે, ત્યારે શાહીન શાહ જમણા ઘૂંટણની ઈજાને કારણે ટીમની બહાર છે. તેની ગેરહાજરી પાકિસ્તાન માટે મોટી ખામી હશે કારણ કે, તેણે તેમની ચાર ઓવરમાં 3-31નો સ્કોર નોંધાવ્યો હતો અને 2021, T20 વર્લ્ડ કપમાં (T20 World Cup 2021) તેમની 10 વિકેટની જીતમાં 'પ્લેયર ઓફ ધ મેચ' તરીકે પસંદ કરવામાં આવ્યા હતા.
કોહલી ક્રિકેટમાં કરશે વાપસી બુમરાહની ગેરહાજરીમાં અર્શદીપ સિંહ અને અવેશ ખાનને ભારતની T20 વર્લ્ડ કપ (T20 World Cup) ટીમમાં સ્થાન મેળવવા માટે તેમની સ્થિતિ મજબૂત કરવાની તક આપવામાં આવી છે. આ મેચમાં ક્રિકેટ દિગ્ગજોની નજર પણ વિરાટ કોહલી પર રહેશે કારણ કે, કોહલી લાંબા સમયથી પોતાના ફોર્મમાં નથી અને આ તેની 100મી T20 આંતરરાષ્ટ્રીય મેચ હશે. ભૂતપૂર્વ કેપ્ટને 2019 થી સદી ફટકારી નથી અને આ વર્ષે માત્ર ચાર T20I રમી છે. આજે દોઢ મહિના બાદ કોહલી ક્રિકેટમાં વાપસી કરશે.
આ પણ વાંચો PM મોદી આજે કરશે મન કી બાત
એશિયા કપમાં ભારત-પાકિસ્તાનનો રેકોર્ડ તેઓએ પ્લેઈંગ ઈલેવનમાં રિષભ પંતના ધડાકા અને છેલ્લી ઓવરોમાં દિનેશ કાર્તિકના કારનામા વચ્ચે નિર્ણય લેવો પડશે. પાકિસ્તાન માટે તે જોવાનું રસપ્રદ રહેશે કે, તેની બેટિંગ કેવી રીતે પકડી રાખે છે. તાજેતરમાં, તેમના ટોચના ત્રણ ખેલાડીઓ કેપ્ટન બાબર આઝમ, વિકેટકીપર મોહમ્મદ રિઝવાન અને ફખર ઝમાન તેમના ફોર્મમાં ટોચ પર છે. મિડલ ઓર્ડરમાં શોએબ મલિક અને મોહમ્મદ હાફીઝની ગેરહાજરી સાથે આસિફ અલી, ઇફ્તિખાર અહેમદ અને યુવા હૈદર અલી પર અંતિમ રૂપને યોગ્ય ટોટલમાં રૂપાંતરિત કરવાનું રહેશે. એશિયા કપમાં ભારત અને પાકિસ્તાન વચ્ચે કુલ 14 મેચ રમાઈ છે, જેમાંથી ભારતે 8માં જીત મેળવી છે જ્યારે પાકિસ્તાને 5માં જીત મેળવી છે. એક મેચનું પરિણામ કઈ આવ્યું નથી. મેચનું લાઈવ પ્રસારણ (Live broadcast of India Pakistan match) સાંજે 7.30 વાગ્યાથી કરવામાં આવશે.
એશિયા કપ માટેની બંને ટીમો
ભારત: રોહિત શર્મા (કેપ્ટન), કેએલ રાહુલ, વિરાટ કોહલી, સૂર્યકુમાર યાદવ, ઋષભ પંત, દીપક હુડા, દિનેશ કાર્તિક, હાર્દિક પંડ્યા, રવિન્દ્ર જાડેજા, આર અશ્વિન, યુઝવેન્દ્ર ચહલ, રવિ બિશ્નોઈ, ભુવનેશ્વર કુમાર , અર્શદીપ સિંહ, અવેશ ખાન. સ્ટેન્ડબાયઃ શ્રેયસ અય્યર, અક્ષર પટેલ, દીપક ચાહર.
પાકિસ્તાન: બાબર આઝમ (કેપ્ટન), શાદાબ ખાન, આસિફ અલી, ફખર જમાન, હૈદર અલી, હરિસ રઉફ, ઈફ્તિખાર અહેમદ, ખુશદિલ શાહ, મોહમ્મદ નવાઝ, મોહમ્મદ રિઝવાન, હસન અલી, નસીમ શાહ, મોહમ્મદ હસનૈન, શાહનવાઝ દહાની, ઉસ્માન કાદિર.
