ન્યૂઝ ડેસ્ક: વડાપ્રધાન નરેન્દ્ર મોદીએ રોજગાર મેળાનું ઉદ્ઘાટન (Job fair started) કર્યું હતું. સરકાર આ અભિયાન હેઠળ આગામી 18 મહિનામાં આ તમામ ખાલી જગ્યાઓ ભરશે. કેન્દ્રના તમામ વિભાગો આ માટે યુદ્ધના ધોરણે કામ કરી રહ્યા છે. જૂનમાં વડાપ્રધાન નરેન્દ્ર મોદીએ કેન્દ્રના તમામ મંત્રાલયો અને વિભાગોને આ દિશામાં કામ કરવાનો નિર્દેશ આપ્યો હતો. રોજગાર મેળા હેઠળ ભારત સરકારના 38 મંત્રાલયો અને વિભાગોમાં દેશભરમાંથી પસંદગીના યુવાનોની નિમણૂક કરવામાં આવશે. નવા ભરતી કરાયેલા કર્મચારીઓને કેન્દ્ર સરકારમાં વિવિધ સ્તરે સામેલ કરવામાં આવશે. આજે કેન્દ્ર સરકાર 75 હજાર યુવાનોને નિમણૂક પત્ર (Appointment letter to 75 thousand youth) આપી રહી છે.
રોજગાર મેળાનો પ્રારંભ: આત્મનિર્ભર ભારતનું ઉદાહરણ આપતા પીએમએ કહ્યું કે, આજે દેશમાં રોજગારની ઘણી નવી તકો ઊભી થઈ રહી છે. આજે વાહનોથી લઈને મેટ્રો કોચ, ટ્રેનના કોચ, સંરક્ષણ સાધનો સહિત અનેક ક્ષેત્રોમાં નિકાસ ઝડપથી વધી રહી છે. તેમણે કહ્યું કે, ભારત અનેક રીતે આત્મનિર્ભર બની રહ્યું છે. મહિલા સશક્તિકરણનું ઉદાહરણ આપતા પીએમ મોદીએ કહ્યું કે, છેલ્લા વર્ષોમાં 80 મિલિયન મહિલાઓ સ્વ સહાય જૂથોમાં જોડાઈ છે, જેમને ભારત સરકાર આર્થિક મદદ કરી રહી છે. આ કરોડો મહિલાઓ હવે દેશભરમાં તેમના ઉત્પાદનો વેચી રહી છે, તેમની આવક વધારી રહી છે.
સ્કીલ ઈન્ડિયા અભિયાન: વડાપ્રધાન મોદીએ કહ્યું કે, કૌશલ્ય વિકાસ યોજના હેઠળ દેશના યુવાનોને ઉદ્યોગોની જરૂરિયાતો અનુસાર તાલીમ આપવા માટે એક વિશાળ અભિયાન ચાલી રહ્યું છે. આ અંતર્ગત અત્યાર સુધીમાં સ્કીલ ઈન્ડિયા અભિયાનની મદદથી 1.25 કરોડથી વધુ યુવાનોને તાલીમ આપવામાં આવી છે. આ વર્ષોમાં ખાદી અને ગ્રામોદ્યોગમાં એક કરોડથી વધુ નોકરીઓનું સર્જન થયું છે. આમાં પણ મોટી સંખ્યામાં અમારી બહેનોનો હિસ્સો છે.
75 હજાર યુવાનોને નિમણૂક પત્ર: રોજગાર મેળાના ઉદ્ઘાટન પ્રસંગે વડાપ્રધાન નરેન્દ્ર મોદીએ જણાવ્યું હતું કે, છેલ્લા આઠ વર્ષથી દેશમાં રોજગાર અને સ્વરોજગારનું અભિયાન ચાલી રહ્યું છે, આજે તેમાં વધુ એક કડી જોડાઈ રહી છે. આ જોબ ફેરની કડી છે. આજે કેન્દ્ર સરકાર 75 હજાર યુવાનોને નિમણૂક પત્ર આપી રહી છે.
