અજમેર, રાજસ્થાન : અજમેરમાં હિસ્ટ્રીશીટર સલમાન ચિશ્તીનો એક વીડિયો (Salman Chishti threatening Video to Nupur Sharma) સોશિયલ મીડિયા પર વાયરલ થઈ રહ્યો છે. વીડિયોમાં તે નુપુર શર્માને મારી નાખવાની ધમકી આપી રહ્યો છે. આ સાથે તેણે નુપર શર્માની (Threatened To Kill Nupur Sharma) ગરદન કાપનાર વ્યક્તિને તેનું ઘર અને મિલકત આપવાની પણ જાહેરાત કરી છે. આ ધમકીભર્યા વાયરલ વીડિયોની જાણકારી મળતાની સાથે જ એડિશનલ સુપરિન્ટેન્ડેન્ટ ઓફ પોલીસ વિકાસ સાંગવાને દરગાહ પોલીસ સ્ટેશનને આરોપીઓ વિરુદ્ધ કાર્યવાહી કરવાનો નિર્દેશ આપ્યો છે.
આ પણ વાંચો: Umesh Kolhe Murder Case : નુપુર શર્માને સમર્થન કરનારાઓને આવી રહ્યા છે ધમકીભર્યા કોલ
નૂપુર શર્માને મારી નાખવાની ધમકી : અજમેર ખ્વાજા ગરીબ નવાઝની દરગાહમાં દરગાહ પોલીસ સ્ટેશન વિસ્તારના ખાદિમ અને હિસ્ટ્રીશીટર સલમાન ચિશ્તીએ ધમકી આપી છે. જેમાં નૂપુર શર્માને જાનથી મારી નાખવાની ધમકી આપવા ઉપરાંત માથું કાપી નાખનારને પોતાનું ઘર અને મિલકત આપી દેવાની જાહેરાત કરતો વીડિયો સોશિયલ મીડિયા પર વાયરલ થઈ રહ્યો છે. પોલીસે વાયરલ વીડિયોને ગંભીરતાથી લીધો છે.
આરોપી સલમાન ચિશ્તી વિરુદ્ધ કેસ નોંધ્યો : અધિક પોલીસ અધિક્ષક વિકાસ સાગવાને દરગાહ પોલીસ સ્ટેશનમાં આરોપી સલમાન ચિશ્તી વિરુદ્ધ કેસ નોંધીને તેની ધરપકડ કરવાનો નિર્દેશ આપ્યો છે. કહેવામાં આવી રહ્યું છે કે, આરોપી સૈયદ સલમાન ચિશ્તી દરગાહમાં ખાદિમ છે. તેણે નુપર શર્માને ધમકી આપતો વીડિયો પણ યુટ્યુબ પર મૂક્યો હતો. આ વીડિયો દરગાહ વિસ્તારમાં જ તેના પરિચિતોના વોટ્સએપ ગૃપમાં પણ વાયરલ થયો હતો. વાયરલ થયેલો વીડિયો 6 દિવસ પહેલા બનાવવામાં આવ્યો હતો.
આરોપીઓ સામે 15 થી વધુ કેસ: દરગાહ સ્ટેશનના પ્રભારી દલબીર સિંહે જણાવ્યું હતું કે, આરોપી સલમાન ચિશ્તી દરગાહ પોલીસ સ્ટેશનનો હિસ્ટ્રીશીટર છે. આરોપી સલમાન ચિશ્તી સામે 15થી વધુ ગંભીર કેસમાં પોલીસ સ્ટેશનમાં કેસ નોંધાયેલા છે. આરોપીઓ સામે હત્યાના બે કેસ અને જીવલેણ હુમલાના બે કેસ પણ નોંધાયેલા છે. આરોપી નશાની આદત છે. દરગાહ પોલીસ સ્ટેશન દ્વારા આરોપીને પકડવાના પ્રયાસો હાથ ધરાયા છે. આ જ દરગાહ પોલીસ સ્ટેશનમાં આરોપી સલમાન ચિશ્તી વિરુદ્ધ વાયરલ વીડિયો સંબંધિત વિવિધ કલમો હેઠળ કેસ નોંધવામાં આવી રહ્યો છે.
આ પણ વાંચો: નુપુર શર્માના સમર્થનમાં પોસ્ટ લખવા બદલ અમરાવતીમાં દુકાન માલિકની હત્યા!
અઢી મિનિટના વીડિયોમાં ઝેર ઓક્યું: 2:30 મિનિટના વીડિયોમાં હિસ્ટ્રીશીટર સલમાન ચિશ્તીએ નુપુર શર્માને જોતાં જ ગોળી મારી દેવાની ધમકી આપી છે. તે જ સમયે, હિસ્ટ્રીશીટર સલમાન ચિશ્તી પણ વીડિયોમાં નુપુર શર્માનું ગળું કાપનાર વ્યક્તિને ઘર અને જમીન આપવાની જાહેરાત કરી રહ્યો છે.
