અમદાવાદ: ગુજરાતમાં યોજાઈ રહેલી ચૂંટણીમાં (Gujarat assemble election 2022 result) અનેક રેકોર્ડ તુટ્યા અને અનેક નવા રેકોર્ડ બન્યા છે. જેમાં 1962થી 2017 સુધીના ઇતિહાસમાં સૌથી ઓછા મતથી જીતનાર (Gujarat Assembly Election Narrow Margin Victory) ધારાસભ્યનો રેકોર્ડ ઠાકોર શંકરજી (Shankarji thakor from kheralu)નો છે. જો કે 2022માં સૌથી ઓછા 577 મતથી કચ્છની રાપર વિધાનસભાના ઉમેદવારે જીત મેળવી છે. 2017માં સૌથી ઓછા મતથી જીતનાર કોંગ્રેસના ધારાસભ્ય જીતુ ચૌધરી જીત્યા (jitu chaudhary bjp) બાદ ભાજપમાં જોડાઈ ગયા હતા.
માત્ર 483 મતથી જીત: ગુજરાત વિધાનસભાની ચૂંટણી 2022માં રાપર વિધાનસભા બેઠકમાં (Kutch Rapar Assembly Result) ખરાખરીનો જંગ જામ્યો હતો. જેમાં ભાજપના ઉમેદવાર વિરેન્દ્રસિંહ જાડેજાએ 66589 મત તો કોંગ્રેસના ઉમેદવાર બચૂભાઈ અરેઠિયાએ 66106 મત મેળવતા માત્ર 577 મતથી કાંટાની ટક્કર સાથે ભાજપના ઉમેદવાર વિરેન્દ્રસિંહ જાડેજાએ રાપર બેઠક પોતાને નામ કરી લીધી છે. જિલ્લામાં 6 વિધાનસભા બેઠકો માટે રાપર વિધાનસભા બેઠક માટે ભારતીય જનતા પાર્ટી, કોંગ્રેસ, આમ આદમી પાર્ટી દ્વારા તમામે તમામ છ સીટ પર ઉમેદવારોને જાહેર કરવામાં આવ્યા હતા.
અન્ય નોંધનીય બેઠકો: પાટણના સિદ્ધપુરમાં ભાજપના ઉમેદવાર બળવંતસિંહ ચંદનસિંહ રાજપૂતનો 2705 મતોથી વિજય થયો હતો. તેમને 90871 મત મળ્યા હતા. કોંગ્રેસના ઉમેદવાર ચંદનજી તલાજી ઠાકુરને 88112 મત મળ્યા હતા. પાટણના ચાણસામાથી કોંગ્રેસના ઉમેદવાર ઠાકોર દિનેશભાઈ આતાજીનો 1096 મતોથી વિજય થયો હતો. તેમને 85,479 વોટ મળ્યા. જ્યારે ભાજપના ઉમેદવાર દિલીપકુમાર વિરજીભાઈ ઠાકોરને 84,383 મત મળ્યા હતા. બોટાદથી AAPના ઉમેદવાર મકવાણા ઉમેશભાઈ નારણભાઈ 2473 મતોથી જીત્યા. તેમને 79524 મત મળ્યા હતા. ભાજપના ઘનશ્યામભાઈ પ્રાગજીભાઈ વિરાણીને 77049 મત મળ્યા હતા. સોમનાથમાંથી કોંગ્રેસના ઉમેદવાર ચુડાસમા વિમલભાઈ કાનાભાઈ 1302 મતોથી જીત્યા. તેમને 73536 મત મળ્યા. ભાજપના ઉમેદવાર માનસિંહભાઈ મેરામણભાઈ પરમારને 72235 મત મળ્યા હતા. દસાડા બેઠક પરથી ભાજપના ઉમેદવાર માત્ર 2,136ની લીડથી જીત્યા હતા. ભારતીય રાષ્ટ્રીય કોંગ્રેસના નૌશાદ સોલંકીને 73607 તો ભારતીય જનતા પાર્ટીના પી.કે.પરમારને 75743 મત મળ્યા છે.
સૌથી ઓછા મતથી જીતનાર ઉમેદવાર: વિધાનસભા ચૂંટણીમાં બે આંકડામાં સૌથી ઓછા મતથી જીતનાર ઉમેદવાર ઠોકોર શંકરજી છે. તેઓ 1975માં ખેરાલુ સીટ પરથી કોંગ્રેસમાંથી ચૂંટણી લડ્યા હતા. તેઓ માત્ર 11 મતના માર્જિન સાથે વિજેતા બન્યા હતા. જ્યારે 2007માં જામજોઘપુર વિધાનસભા સીટ પરથી કોંગ્રેસમાંથી ચૂંટણી લડનાર બ્રિજરાજસિંહ જાડેજા માત્ર 17 મતથી વિજેતા બન્યા હતા. 1962ની વિધાનસભા ચૂંટણીમાં સૌથી ઓછા મતે જમીનદાર ફેઝલ અબ્બાસ માતર વિધાનસભા સીટ પરથી 33 મતથી વિજેતા બન્યા હતા.
2017માં અનેક સીટો પર માર્જિન ઓછું: ગુજરાતની છેલ્લી વિધાનસભા ચૂંટણીમાં એવી ઓછામાં ઓછી 16 બેઠકો હતી જેના પર જીત અને હાર વચ્ચેનો તફાવત 3,000 મતોથી ઓછો હતો. જેમાં ભાજપ અને કોંગ્રેસના બંને ઉમેદવારોના ભાવિકોને અસર થઈ હતી. આમાંથી સાત બેઠકો પર જીત અને હારનું અંતર એક હજારથી પણ ઓછું હતું. આ 16 બેઠકોમાંથી ભાજપે 10 જ્યારે કોંગ્રેસે 6 બેઠકો જીતી હતી. વલસાડ જિલ્લાની કપરાડા વિધાનસભા (અનુસૂચિત જનજાતિ) બેઠક પર, ભાજપના ઉમેદવાર મધુભાઈ રાઉત કોંગ્રેસના ઉમેદવાર જીતુભાઈ ચૌધરી સામે 170 મતોના ઓછા માર્જિનથી હારી ગયા હતા.
લાંબા કેસ બાદ ઉકેલ: 2017માં ધોળકા બેઠક પરથી ભાજપના વરિષ્ઠ નેતા ભૂપેન્દ્રસિંહ ચુડાસમા માત્ર 327 મતોની સરસાઈથી જીતવામાં સફળ રહ્યા હતા. ઘણા માને છે કે આ સીટ પર બીએસપી, રાષ્ટ્રવાદી કોંગ્રેસ પાર્ટી અને બે અપક્ષ ઉમેદવારોએ લગભગ 11,000 મત મેળવ્યા હતા, જેણે ભાજપની જીતમાં મહત્વની ભૂમિકા ભજવી હતી. આ મળે કોર્ટમાં લાંબો કેસ પણ ચાલ્યો હતો. જો કે મામલો ભૂપેન્દ્રસિંહ ચુડાસમાના પક્ષમાં આવતા તેઓ ધારાસભ્ય પડે ચાલુ રહ્યા હતા
