Elephant news : PM મોદીએ મન કી બાતમાં 'હમર હાથી હમર ગોઠ' પર કરી ચર્ચા, જાણો શું છે આ અભિયાન...

author img

By ETV Bharat Gujarati Desk

Published : Jan 28, 2024, 4:13 PM IST

PM મોદી મન કી બાત

PM મોદીએ મન કી બાતમાં અંબિકાપુરના 'હમર હાથી હમર ગોઠ' પર ચર્ચા કરી હતી. ઉપરાંત તેમણે અમલેન્દુ મિશ્રાની પણ પ્રશંસા કરી હતી. પીએમ મોદીએ પોતાના સંબોધનમાં હાથીની અવરજવર વિશે લોકોને જાગૃત કરવાની આ પ્રક્રિયાની પ્રશંસા કરી છે. જાણો શું છે આ અભિયાનનો હેતુ...

છત્તીસગઢ : વડાપ્રધાન મોદીએ રવિવારે મન કી બાતમાં અંબિકાપુરના અમલેન્દુ મિશ્રાનો ઉલ્લેખ કર્યો હતો. તેમણે જણાવ્યું કે અંબિકાપુરના રહેવાસી અમલેન્દુ મિશ્રા દ્વારા છેલ્લા 7 વર્ષથી આકાશવાણી કેન્દ્ર પરથી “હમર હાથી હમાર ગોઠ” નું પ્રસારણ વન વિભાગના સહયોગથી કરવામાં આવી રહ્યું છે. આનાથી ગ્રામજનો જાણી શકે છે કે હાથીઓ કયા રસ્તે જઈ રહ્યા છે. રેડિયો પર માહિતી મળ્યા બાદ ગ્રામજનો સતર્ક બની જાય છે, જેના કારણે જાનહાનિ ઘટાડવામાં મદદ મળી છે. સાથે જ આ પ્રયોગ હાથીઓના સંરક્ષણમાં પણ પોતાની ભૂમિકા ભજવી રહ્યો છે. આનાથી હાથીઓના સંરક્ષણને મજબૂતી મળશે.

PM મોદી મન કી બાત : નોંધનીય છે કે, આ વર્ષે પહેલીવાર રવિવારના રોજ વડાપ્રધાન નરેન્દ્ર મોદીએ તેમના રેડિયો કાર્યક્રમ મન કી બાત દ્વારા દેશવાસીઓને સંબોધિત કર્યા હતા. આ દરમિયાન તેમણે કહ્યું, બે દિવસ પહેલા આપણે બધા દેશવાસીઓએ 75 માં ગણતંત્ર દિવસની ખૂબ જ ધામધૂમથી ઉજવણી કરી હતી. આ વર્ષે આપણું બંધારણ પણ 75 વર્ષ પૂર્ણ કરી રહ્યું છે. સુપ્રીમ કોર્ટ પણ 75 વર્ષ પૂર્ણ કરી રહી છે. આપણા લોકશાહીનો આ તહેવાર ભારતને મધર ઓફ ડેમોક્રેસી તરીકે વધુ મજબૂત બનાવે છે. આ દરમિયાન પીએમ મોદીએ અંબિકાપુરના અમલેન્દુ મિશ્રા દ્વારા ચલાવવામાં આવતા "હમર હાથી હમાર ગોથ" અભિયાન વિશે ચર્ચા કરી હતી.

"હમર હાથી હમાર ગોથ" : સામાન્ય રીતે આપણે રેડિયો પર દેશ અને દુનિયાના સમાચાર અને મનોરંજનના કાર્યક્રમો સાંભળીએ છીએ. પરંતુ છત્તીસગઢના અંબિકાપુર, બિલાસપુર, રાયપુર અને રાયગઢમાં દરરોજ સાંજે દરેક ઘરમાં એક અવાજ સંભળાય છે, "આ આકાશવાણી છે, હવે તમે સાંભળો હાથીના સમાચાર." રેડિયો સમાચાર દ્વારા જંગલી હાથીઓને કારણે થતી જાનહાનિ અટકાવવા આ અનોખી પહેલ કરવામાં આવી છે. જેનો ગ્રામજનોને પણ ઘણો લાભ મળી રહ્યો છે. આવી પહેલ કરનાર છત્તીસગઢ દેશનું પ્રથમ રાજ્ય છે.

હાથી સમાચારની શરૂઆત : છત્તીસગઢમાં વન વિભાગ અને ઓલ ઈન્ડિયા રેડિયો વચ્ચેના કરાર હેઠળ દરરોજ સાંજે 5:05 વાગ્યે હાથી સમાચાર પ્રસારિત કરવામાં આવે છે. જેમાં જંગલી હાથીઓની અવરજવરના વિસ્તારોની માહિતી આપવામાં આવે છે. આ લોકોને સમયસર પોતાને બચાવવાની તક આપે છે. પાંચ વર્ષ પહેલાં ઉત્તર અને મધ્ય છત્તીસગઢના સરગુજા, બિલાસપુર વિભાગમાં જંગલી હાથીની વસ્તીમાં વધારો થવાને કારણે જાનમાલનું નુકસાન થયું હતું. ત્યારબાદ લોકો સુધી જંગલી હાથીઓની હિલચાલ વિશે માહિતી આપવા માટે રેડિયોનો માધ્યમ તરીકે ઉપયોગ કરવાનો વિચાર જન્મ્યો હતો. હાથી સમાચારની શરૂઆત વર્ષ 2018માં કરવામાં આવી હતી, જે આજે પણ ચાલુ છે. પીએમ મોદીએ પોતાના મન કી બાત કાર્યક્રમમાં આ વાતનો ઉલ્લેખ કર્યો હતો.

  1. Mann Ki Baat: પીએમ મોદીની 'મન કી બાત', રેડિયો પર 109માં એપિસોડનું પ્રસારણ
  2. Maharashtra News: મહારાષ્ટ્ર સરકારે મરાઠાઓની માંગણી સ્વીકારી, આંદોલન સમેટાયું
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.