હૈદરાબાદ: લોકસભા ચૂંટણીના ત્રીજા તબક્કામાં, 10 રાજ્યો અને એક કેન્દ્રશાસિત પ્રદેશની 93 બેઠકો પર 1,300 થી વધુ ઉમેદવારોનું ભાવિ EVMમાં સીલ કરવામાં આવ્યું છે. આ રીતે ત્રણ તબક્કા બાદ લોકસભાની 543માંથી 284 બેઠકો પર ચૂંટણી પૂર્ણ થઈ ગઈ છે. તમામ સાત તબક્કાના પરિણામો 4 જૂને જાહેર કરવામાં આવશે. કયા રાજ્યમાં કેટલા ટકા મતદાન થયું? જાણવા માટે સંપૂર્ણ સમાચાર વાંચો.
1300થી વધુ ઉમેદવારો મેદાનમાં: ચૂંટણી પંચની જાહેરાત મુજબ, આજે મતદાનના લોકસભા ચૂંટણી 2024ના ત્રીજા તબક્કાનું મતદાન પૂર્ણ થયું છે, આજે 11 રાજ્યો અને કેન્દ્રશાસિત પ્રદેશોની 93 બેઠકો પર મતદાન યોજાયુ. આજે 17.24 કરોડ મતદારો મતદાન કર્યું હતું જેમાંથી 120 મહિલાઓ સહિત 1300થી વધુ ઉમેદવારો મેદાનમાં હતાં. ગુજરાતમાં ભાજપે સુરતમાં બિનહરીફ જીત મેળવી છે. ત્રીજા તબક્કામાં ગુજરાતની તમામ 25 લોકસભા બેઠકો પર મતદાન થયું.
PM મોદી અને અમિત શાહે કર્યું મતદાન: વડાપ્રધાન નરેન્દ્ર મોદી લોકસભા ચૂંટણી 2024 માટે મતદાન કરવા ગુજરાતના અમદાવાદમાં મતદાન મથક પર પહોંચ્યા હતા. વડાપ્રધાન નરેન્દ્ર મોદીએ ગુજરાતના અમદાવાદમાં નિશાન ઉચ્ચતર માધ્યમિક શાળા ખાતે લોકસભા ચૂંટણી 2024 માટે પોતાનો મત આપ્યો. તેમની સાથે ગૃહમંત્રી અમિત શાહે પણ મતદાન કર્યું હતું.
ક્યા રાજયમાં કઈ બેઠક પર મતદાન
| રાજ્ય | બેઠકની સંખ્યા | કેટલાં ટકા મતદાન |
|---|---|---|
| આસામ | 4 | 75.01 |
| બિહાર | 5 | 56.55 |
| છત્તીસગઢ | 7 | 66.99 |
| દાદરા નગર હવેલી અને દમણ-દીવ | 2 | 65.23 |
| ગોવા | 2 | 74.07 |
| ગુજરાત | 25 | 56.23 |
| કર્ણાટક | 14 | 66.86 |
| મધ્ય પ્રદેશ | 9 | 62.82 |
| મહારાષ્ટ્ર | 11 | 54.04 |
| ઉત્તર પ્રદેશ | 10 | 57.08 |
| પશ્ચિમ બંગાળ | 4 | 73.93 |
