হোজাই জিলাত আৰম্ভ দশম শ্ৰেণীৰ পাঠদান

হোজাই জিলাত সোমবাৰৰ পৰা আৰম্ভ হয় দশম শ্ৰেণীৰ পাঠদান । পাঠদানৰ পূৰ্বে বিদ্যালয়ৰ শ্ৰেণীকোঠাসমূহ ছেনিটাইজ কৰা হয় । উল্লেখ্য যে, ক'ভিডৰ বাবে বিগত প্ৰায় ছমাহ ধৰি বন্ধ হৈ আছিল বিদ্যালয়সমূহ । ৰাজ্য চৰকাৰে 6 ছেপ্তেম্বৰত শিক্ষানুষ্ঠানসমূহক ক’ভিড বিধি মানি উচ্চতৰ মাধ্যমিক, স্নাতক, স্নাতকোত্তৰ শ্ৰেণীৰ চূড়ান্ত বৰ্ষৰ পাঠদান কৰাৰ অনুমতি দিয়ে ৷ ইয়াৰ পাছতে সোমবাৰৰ পৰা হোজাই জিলাৰ সকলো চৰকাৰী-বেচকাৰী খণ্ডৰ স্কুলত সম্পূৰ্ণ ক’ভিড বিধি মানি পাঠদান আৰম্ভ কৰা হৈছে ।