আপক বিজেপিৰ বি-টীম আখ্যা মীৰা বৰঠাকুৰৰ

গুৱাহাটী পৌৰ নিগমৰ নিৰ্বাচনৰ দিন চমু চাপি অহাৰ লগতে নিৰ্বাচনত প্ৰতিদ্বন্দিতা কৰা দল আৰু প্ৰাৰ্থী সমূহৰ মাজত নিৰ্বাচনী তৎপৰতা বৃদ্ধি পোৱা পৰিলক্ষিত হৈছে, প্ৰচাৰ তুংগত উঠিছে । প্ৰাৰ্থীসকলে নিজ নিজ সমৰ্থকক লগত লৈ ঘৰে ঘৰে প্ৰচাৰ অভিযান,প্ৰচাৰ সভা অনুষ্ঠিত কৰাৰ লগতে ৱাৰ্ডে-ৱাৰ্ডে নিৰ্বাচনী কাৰ্যালয় মুকলি কৰি ভোটাৰক আকৰ্ষণ কৰাৰ চেষ্টা অব্যাহত ৰাখে । এই সময়তে, কংগ্ৰেছ নেত্ৰী গৰাকীয়ে মন্তব্য কৰিছে যে, গুৱাহাটী পৌৰ নিগমৰ নিৰ্বাচনত (GMC election 2022) বিজেপিয়ে ধনৰ বল দেখুৱাই ৰাজনীতি কৰিছে, এয়া শাসক দল বিজেপিৰ নিকৃষ্ট ৰাজনীতিৰ পৰিচয় । আম আদমী পাৰ্টি চমুকৈ আপক উঠাই দি কংগ্ৰেছ দলক ধংশ কৰাৰ চেষ্টা কৰাৰ কথাৰে আপক বিজেপিৰ বি-টীম বুলিও আখ্যা দিয়ে কংগ্ৰেছ নেত্ৰী গৰাকীয়ে ৷