তেজপুৰ, ১৫ এপ্ৰিল : মানুহ বিহুৰ দিনা জ্যেষ্ঠ জনক কণিষ্ঠ জনে সেৱা কৰি আৰ্শীবাদ লোৱা পৰম্পৰা আজিও বিদ্যমান । মানুহ বিহুৰ দিনটোত তেজপুৰৰ ব্যৱসায়িক সমাজ নৰ্থ অসম চেম্বাৰচ অৱ কমাৰ্চে সন্মান জনালে ৭০ বছৰৰ উৰ্ধৰ ২৭ গৰাকী ব্যক্তিক । ব্যৱসায়ীসকলে জ্যেষ্ঠজনৰ ওচৰত আঁঠু লৈ জনালে সন্মান (septuagenarian felicitated by North Assam Chambers of Commerce)।
প্ৰথমবাৰৰ বাবে আয়োজিত এই অনুষ্ঠানটিত ৯০ শতাংশ ব্যৱসায়ীয়েই আছিল অনা অসমীয়া । অসমীয়াৰ বিহুৰ মাজত যে, ইমানখিনি জাতীয়তাবোধ, সম্পদ, সংস্কৃতি নিহিত হৈ আছে সেয়া আজি পৰ্যন্ত উপলব্ধি হোৱা নাছিল বুলি চেম্বাৰচ অৱ কমাৰ্চৰ সভাপতি ৰাজেশ জালানে মন্তব্য কৰে । ইফালে ব্যৱসায়ীসকলে এই বিহু উদযাপনৰ জৰিয়তে নিজকে এজন অসমীয়া বুলি পৰিচয় দি গৌৰৱ বোধ কৰা বুলিও উল্লেখ কৰে ।
উল্লেখযোগ্য যে, অসমৰ মুখ্যমন্ত্ৰীৰ আহ্বানৰ প্ৰতি সঁহাৰি জনাই এইদৰে তেজপুৰত ব্যৱসায়ীসকলে আয়োজন কৰিলে মানুহ বিহু ।
লগতে পঢ়ক : সম্পূৰ্ণ সত্ৰীয়া পৰম্পৰা ৰীতি-নীতিৰে বৰপেটাত ব'হাগ বিহু উদযাপন