তেজপুৰ, ১০ জুলাই : অৰুণাচল প্ৰদেশৰ ৰাজধানী ইটানগৰৰ পাপুম পাৰে জিলাৰ দুইমুখৰ সমীপত টিগডু গাঁৱত ভূমিস্খলনৰ ফলত চাৰিজন লোক জীৱন্তে সমাধিস্থ হয় । পুৱতি নিশা শুই থকা অৱস্থাত হোৱা এই ভূমিস্খলনৰ ফলত নিহত হোৱা লোকসকল ক্ৰমে তিন মাৰ্টিন (২২), টানা জন (১৭),টানা য়াচোম (৮ মাহ) আৰু য়াবুং লিংডুম (মাতৃ) ।
উল্লেখযোগ্য যে পুৱতি নিশা প্ৰায় ৩ বজাত এই ভূমিস্খলনত ঘটনা সংঘটিত হয় ৷ ভূমিস্খলনত হতাহত হোৱাৰ পৰা উদ্ধাৰ কৰিবলৈ সক্ষম নহ'ল দুৰ্ভগীয়া পৰিয়ালটোক । আনহাতে বৃহস্পতিবাৰে ৰাজধানী ইটানগৰৰ গঙ্গা বজাৰৰ সমীপত ডাকম কলনীত ভয়ানক ভূমিস্খলনৰ ফলত কেইবাটাও বাসগৃহ ধ্বংসপ্ৰাপ্ত আৰু বহু কেইখন বিলাসী গাড়ী ভূপতিত হয় ।
ইয়াৰ পূৰ্বে ৰাজধানী চহৰ খনৰ সমীপত ২৫ জুনত ভূমিস্খলনৰ ফলত এটি শিশু নিহত হোৱা পিছত পুনৰ ২৬ জুনত অন্য এক ভূমি স্খলনৰ ফলত বন্ধ হৈ পৰে ইউপিয়া ইটানগৰ সংযোগী পথ । তাৰ পিছতে আজি তৃতীয় বাৰপুনৰ এই ভূমিস্খলনৰ ঘটনা সংঘটিত হৈছে অৰুণাচল প্ৰদেশত ।
লগতে পঢ়ক : বিশ্বনাথত বন্যহস্তীৰ তাণ্ডৱঃ ভাঙিলে বাসগৃহ
