আমগুৰি,১2নৱেম্বৰ: দীৰ্ঘদিনৰ পৰা অসুস্থ হৈ আছে অসমৰ প্ৰাক্তন মুখ্যমন্ত্ৰী তথা বৰ্ষীয়ান কংগ্ৰেছ নেতা তৰুণ গগৈ ৷ শেহতীয়া ভাৱে 86 বছৰীয়া প্ৰাক্তন মুখ্যমন্ত্ৰী গৰাকী আক্ৰন্ত হৈছিল COVID-19ত ৷ কেইবা বাৰো চিকিৎসালয়ত চিকিৎসাধীন হৈ থকা প্ৰাক্তন মুখ্যমন্ত্ৰী গৰাকীৰ আশু আৰোগ্য কামনাৰে বন্তি প্ৰজ্বলন কৰে আমগুৰি সমষ্টিৰ কংগ্ৰেছ কৰ্মীসকলে ৷
গৌৰীসাগৰ সাৰ্বজনীন পূজা মন্দিৰত পূজা অৰ্চনা কৰাৰ লগতে বন্তি প্ৰজ্বলন কৰিলে আমগুৰি সমষ্টিৰ কংগ্ৰেছ কৰ্মী তথা বিভিন্ন দল সংগঠনে ৷ মহামাৰী ক'ৰণাত আক্ৰন্ত হোৱাৰ পাছৰে পৰা স্ৱাস্থ্যৰ অধিক অৱনতি ঘটে প্ৰাক্তন মুখ্যমন্ত্ৰী গৰাকীৰ ৷ বুধবাৰে মাংগলিক প্ৰাৰ্থনা সভা অনুষ্ঠিত কৰি কংগ্ৰেছ কৰ্মীসকলে ভগৱানৰ শ্ৰীচৰণত সেৱা জনায় বৰ্ষীয়ান কংগ্ৰেছ নেতা তৰুণ গগৈৰ আশু আৰোগ্য কামনা কৰে।
লগতে পঢ়ক: আলিপুৰ উপ স্বাস্থ্য কেন্দ্ৰৰ এএনএম বিৰুদ্ধে কৰ্মত অৱহেলাৰ অভিযোগ
