নিউজ ডেস্ক , 9 জানুৱাৰীঃ কৰিমগঞ্জৰ আঠ নম্বৰ অসম ত্ৰিপুৰা সংযোগী ৰাষ্ট্ৰীয় ঘাইপথৰ কাষত বৃহস্পতিবাৰে সংঘটিত হয় এক ভয়ংকৰ পথ দুৰ্ঘটনা ৷ পাথাৰকান্দি সমষ্টিৰ বাজাৰিচৰা থানা এলেকাৰ হাতাই অঞ্চলত সংঘটিত দুৰ্ঘটনাটোত থিতাতে প্ৰাণ হেৰুৱায় এজন বাইক চালকে ৷ প্ৰাপ্ত তথ্য মতে, লোৱাইৰপোৱাৰ পৰা ত্ৰিপুৰা অভিমুখে গৈ থকা TR 05 B6502 নম্বৰ স্প্লেণ্ডাৰ বাইক খনত এখন 12 চকীয়া ট্ৰাকে খুন্দা মাৰে ৷ দুৰ্ঘটনাটোৰ ফলত থিতাতেই নিহত হয় বাইক আৰোহী গৰাকী ৷ ঘটনা সংঘটিত কৰি পলায়ন কৰিবলৈ সক্ষম হয় ট্ৰাকখন ৷ মৃতদেহটো উদ্ধাৰ কৰি মৰনোত্তৰ পৰীক্ষাৰ বাবে কৰিমগঞ্জ অসামৰিক চিকিৎসালয়লৈ প্ৰেৰণ কৰিছে আৰক্ষীয়ে ৷
আনহাতে, অসম নাগালেণ্ড সীমান্তৱৰ্তী বিবাদমান এলেকা বিহুবৰত বৃহস্পতিবাৰে পুৱাই সংঘটিত হোৱা এক ভয়ংকৰ দুৰ্ঘটনাত গুৰুতৰ ভাৱে আহত হয় দুগৰাকী মহিলা শ্ৰমিক ৷ শিল খননত ব্যৱহৃত এটা মেচিনৰ খুন্দাত আঘাতপ্ৰাপ্ত লক্ষ্মী কৰ্মকাৰ নামৰ এগৰাকী মহিলা শ্ৰমিক ৷ ভৰিত প্ৰচণ্ড জোৰেৰে খুন্দা মৰাৰ ফলত মহিলাগৰাকীৰ শৰীৰৰ পৰা বিছিন্ন হৈ পৰে এখন ভৰি ৷ একে স্থানতে শিল খনন কৰি থকা বসন্তী সৌহান নামৰ অন্য এগৰাকী মহিলা শ্ৰমিকক আঘাত কৰে মেচিনটোৱে ৷ ঘটনাৰ পিছতে ঘটনাস্থলীত বিহুবৰ আৰক্ষী উপস্থিত হৈ মহিলা দুগৰাকীক উদ্ধাৰ কৰাৰ লগতে উন্নত চিকিৎসাৰ বাবে শিৱসাগৰ অসামৰিক চিকিৎসালয়লৈ প্ৰেৰণ কৰে ৷ শৰীৰ পৰা এটা ভৰি বিচিন্ন হৈ পৰা মহিলা শ্ৰমিক লক্ষ্মী কৰ্মকাৰৰ অৱস্থা সংকটজনক বুলি জানিব পৰা গৈছে ৷