আমগুৰি, ১৩ অক্টোবৰ : ধুবুৰী কাণ্ড আৰু ৮ ছেপ্টেম্বৰৰ মাজুলীৰ ভয়ংকৰ ফেৰী দুৰ্ঘটনা (Majuli ferry tragedy) হয়টো আপোনাৰ মনত আছে । অসম লগতে সমগ্ৰ দেশকে জোকাৰি গৈছিল সেই মৰ্মান্তিক ঘটনাই । কিন্তু আভ্যন্তৰীণ জল পৰিবহণ বিভাগৰ বাবে সেইবোৰ এতিয়া পাহৰণিৰ গৰ্ভত । সেই ঘটনাবোৰৰ পৰা শিক্ষা নল'লে বিভাগটোৱে (Irresponsibility of IWTD)। এতিয়াও বহু স্থানত যাত্ৰীৰ সুৰক্ষাৰ বাবে কোনো ব্যৱস্থা লোৱা হোৱা নাই । বিপদসংকুলভাৱে এতিয়াও ব্ৰহ্মপুত্ৰৰ বুকুৰে নিতৌ পাৰ হৈছে হাজাৰ হাজাৰ লোকে ।
শিৱসাগৰৰ দিখৌমুখ পাৰাঘাটতো একে পৰিৱেশ । যাত্ৰীৰ সুৰক্ষাৰ বাবে জল পৰিহণ বিভাগে লোৱা নাই কোনো সুব্যৱস্থা । আভ্যন্তৰীণ জল পৰিবহণ বিভাগৰ ফেৰীৰ বিপৰীতে ব্ৰহ্মপুত্ৰৰ বুকুৱেদি এতিয়াও চলি আছে ব্যক্তিগত লেচীৰ ফেৰী (Movement of private ferries at Dikhoumukh)। অসংখ্য লোকে ব্যক্তিগত লেচীৰ ফেৰীৰেই যাতায়াত কৰিবলগীয়া হৈছে মাজুলীলৈ ।
উল্লেখ্য যে দিখৌমুখৰ পৰা মাজুলীলৈ দৈনিক কেইবা শতাধিক যাত্ৰীয়ে নদীপথেৰে যাতায়াত কৰি আহিছে । দিখৌমুখ চিকাৰী আৰু দিখৌমুখ শালমৰালৈ ব্ৰহ্মপুত্ৰৰ মাজেৰে দৈনিক শতাধিক লোক ইপাৰ-সিপাৰ হোৱাৰ পিছতো দিখৌমুখ পাৰাঘাটত আভ্যন্তৰীণ জল পৰিবহণ বিভাগৰ জৰুৰীকালীন এখনো ফেৰীৰ ব্যৱস্থা নাই (No emergency ferry in Sivasagar)। যাৰ বাবে বিয়াগোম বিভাগটোৰ বিৰুদ্ধে ক্ষোভিত হৈ পৰিছে সাধাৰণ যাত্ৰীসকল ।
বিভাগটোৰ দায়িত্বহীনতাৰ বিৰুদ্ধে বিভিন্ন সংগঠনেও ক্ষোভ প্ৰকাশ কৰিছে । এইক্ষেত্ৰত কৃষক মুক্তি সংগ্ৰাম সমিতিয়ে ৰাজ্যৰ জল পৰিবহণ মন্ত্ৰীক শীঘ্ৰে দিখৌমুখত এখন জৰুৰীকালীন ফেৰীৰ ব্যৱস্থা কৰিবলৈ দাবী জনাইছে ।
লক্ষণীয়ভাৱে মাজুলীৰ ফেৰী দুৰ্ঘটনাৰ পাছতে চৰকাৰ তথা যথেষ্ট সষ্টম হৈ পৰিছিল । যাত্ৰী সুৰক্ষাৰ প্ৰতি লক্ষ্য ৰাখি চৰকাৰে বিভিন্ন ধৰণৰ ঘোষণাও কৰিছিল । কিন্তু সকলোবোৰ এতিয়া ফুটুকাৰ ফেনত পৰিণত হৈছে ।
লগতে পঢ়ক :Irregularities of anganwadi worker: কলগাছিয়াত কণ কণ শিশুক লৈ ৰাইজৰ প্ৰতিবাদ
