শিৱসাগৰ,২১ জুলাই: শিৱসাগৰত সংঘটিত এক চাঞ্চল্য়কৰ ঘটনা । পাঁচ বছৰীয়া বনকৰা শিশুক হত্যা কৰাৰ ঘটনাক লৈ বিৰাজ কৰিছে উত্তেজনাময় পৰিস্থিতিৰ(Five-year-old child murdered in Sivsagar) । ভানু নামৰ পাঁচ বছৰীয়া দেৱ শিশুটিক হত্যা কৰাক লৈ সৃষ্টি হয় এই উত্তেজনা ৷
ঘটনাৰ বিৱৰণী অনুসৰি তিতাবৰৰ নিৱাসী পাঁচ বছৰীয়া কন্যা শিশুটিক বিদ্যালয়ত নাম ভৰ্তি কৰাই দিম বুলি চুনপুৰাৰ নিৱাসী বিতোপন ঢ়েকীয়াল ফুকনে নিজৰ ঘৰলৈ আনিছিল ৷ প্ৰায় বিশ দিনৰ পূৰ্বেহে নিজৰ ঘৰলৈ অনা কন্যা শিশুটিক বিতোপন আৰু পত্নী পৰীস্মীতাই ঘৰত বন কৰা কামত নিয়োগ কৰিছিল ৷ কিন্তু এই কাৰ্য্য কৰিবলৈ অমান্তি হোৱা শিশুটিক বিগত তিনিনিদনৰ পৰা নিৰ্মম অত্যাচাৰ চলাই অহাৰ অভিযোগ উত্থাপন হৈছে ৷
তিনিদিন ধৰি চলাই অহা নিৰ্মম অত্যাচাৰৰ ফলত অৱশ হৈ পৰে শিশুটি । যাৰবাবে তিনিদিন পাছতহে শিশুটিক চিকিৎসালয়লৈ আনিবলৈ সময় হ'ল বিতোপন ঢেকীয়াল ফুকনৰ । চিকিৎসালয়ত ভৰ্তি কৰোৱাৰ পাছতো মিছা মাতে ফুকনে । চিকিৎসকৰ ওচৰত খটখটীৰ পৰা পৰি দূখ পোৱা বুলি মিছা তথ্যৰে ভৰ্তি কৰোৱাৰ পিছতেই মৃত্যু হৈছিল শিশুটিৰ । কিন্তু শিশুটিৰ সৰ্বশৰীৰত আঘাত স্পষ্টৰূপে দেখাৰ পাছতেই উত্তেজিত হৈ পৰে স্থানীয় ৰাইজ ৷
উত্তেজিত ৰাইজে ঘাতক দম্পতীক আক্ৰমণ কৰিবলৈ উদ্যত হয় বুলি জানিব পৰা গৈছে ৷ ক্ষোভিত ৰাইজে ফাঁচীৰ দাবীত উত্তাল কৰি তোলে চিকিৎসালয়ৰ চৌহদ ৷ অৱশেষত আৰক্ষীয়ে জনতাৰ ৰোষৰ পৰা ঘাতক দম্পতীক উদ্ধাৰ কৰি নিজৰ জিম্মাত লয় ৷ পূৰ্বতেও বিতোপন ঢ়েকীয়াল ফুকনৰ বিৰুদ্ধে এক হত্যাকাণ্ডৰ গোচৰ থকা বুলি তথ্য লাভ কৰা হৈছে ।
লগতে পঢ়ক: Pankaj Pathak Arrested: হাতীগাঁও থানাত জেৰা অব্যাহত পংকজ পাঠকৰ
