নলবাৰী, 9 জানুৱাৰী : চৰকাৰে প্ৰৱৰ্তন কৰা নতুন SOP সকলোকে মানি চলিবলৈ আহ্বান সংগীত শিল্পী অংগৰাগ পাপন মহন্তৰ ৷ তেওঁ কয় যে, ‘‘আৰু যাতে ক’ভিড পৰিস্থিতিত কাৰো ক্ষতি নহয় ৷ ইমান দিনে সকলোৱে নিয়ম মানি চলিছো, গতিকে আৰু কেইমাহমান সকলোৱে সজাগ-সচেতন হৈ থকাতো উচিত’’ ৷ ক’ভিড কালত বিশেষকৈ কলা-সংস্কৃতিয়ে বহু মাৰ খাইছে বুলিও তেওঁ সংবাদ মাধ্যমৰ আগত মন্তব্য কৰে ।
দেওবাৰে গণশিল্পী খগেন মহন্তৰ স্মৃতিত ফ্ৰেণ্ডচৰ উদ্যোগত অসম চৰকাৰৰ সাংস্কৃতিক পৰিক্ৰমা বিভাগৰ সহযোগত সপ্তম বাৰ্ষিক সদৌ অসম ভিত্তিত খগেন মহন্তৰ গীতৰ প্ৰাইজমানি প্ৰতিযোগিতা অনুষ্ঠিত কৰা হয় নলবাৰী নাট্যমন্দিৰ প্ৰাংগণত । ৰাজ্যৰ ভিন্ন প্ৰান্তৰ পৰা অহা ৭০ গৰাকী সৰু-বৰ কিশোৰ-কিশোৰী, যুৱক-যুৱতীয়ে উক্ত প্ৰতিযোগিতাত প্ৰতিযোগিতাত অংশ গ্ৰহণ কৰে । প্ৰতিজন শিল্পীৰ কণ্ঠত নিগৰে গণশিল্পী খগেন মহন্তৰ অমিয়া গীতসমূহ ।
দিনযোৰা কাৰ্যসূচীৰে অনুষ্ঠিত এই অনুষ্ঠানত বিয়লি ভাগত উপস্থিত হয় অসমৰ জনপ্ৰিয় কণ্ঠশিল্পী অংগৰাগ পাপন মহন্ত (Angaraag Papon Mahanta in Nalbari) । কণ্ঠশিল্পীগৰাকীয়ে উপস্থিত হোৱাৰ পিছত উদ্যোক্তাসকলে তেওঁক সম্বৰ্ধনা জনায় । নতুন বছৰত কেইবাটাও নতুন পৰিকল্পনা থকা বুলি সংবাদ মাধ্যমৰ আগত মন্তব্য কৰে শিল্পীগৰাকীয়ে । লগতে পিতৃৰ স্মৃতি জীয়াই ৰখাৰ স্বাৰ্থত তেওঁ বিভিন্ন কাম কৰিব বুলি সদৰি কৰে ৷
লগতে পঢ়ক : Unutilized COVID vaccine : এতিয়াও ৰাজ্যসমূহত মজুত আছে অব্যৱহৃত ১৭ কোটি ক'ভিড প্ৰতিষেধক
