গুৱাহাটী, 14 নৱেম্বৰ: অসমলৈ আহিছে ড্ৰীম গাৰ্ল ৷ ড্ৰীম গাৰ্লক এবাৰ ওচৰৰ পৰা চাবলৈ বৰঝাৰ আন্তঃৰাষ্ট্ৰীয় বিমানবন্দৰত পুৱাৰে পৰা গুণমুগ্ধই ভিৰ কৰিছেহি ৷ আজি ৰাস চাবলৈ অসমত উপস্থিত হৈছে ড্ৰীম গাৰ্লখ্যাত বলীউডৰ মোহময়ী অভিনেত্ৰী হেমামালিনী ৷

ৰাজ্যজুৰি ৰাসৰ উদুলি মুদুলি পৰিৱেশ (Raas Mahotsav in Assam) ৷ নলবাৰী ঐতিহ্যমণ্ডিত ৰাসত অংশগ্ৰহণৰ বাবে অসমত উপস্থিত হৈছে বলীউডৰ মোহময়ী অভিনেত্ৰীগৰাকী (Actress Hemamalini visited in Assam)৷

"মই ৰাসৰ কথা শুনি আহিছো ৷ মই মথুৰাটো ৰাস কৰি আহিছো৷ মোক অসমৰ মুখ্যমন্ত্ৰী হিমন্ত বিশ্ব শৰ্মাই নিমন্ত্ৰণ জনোৱা অনুসৰি মই নলবাৰীলৈ ৰাস চাবলৈ আহিছো ৷ মই এই ৰাসৰ বৰ্ণাঢ্য কাৰ্যসূচী চাবলৈ অতিকৈ আগ্ৰহেৰে বাট চাইছো ৷ এইবাৰ মই অসমৰ ৰাস চাম ৷" বৰঝাৰৰ আন্তঃৰাষ্ট্ৰীয় বিমানবন্দৰত উপস্থিত হৈয়েই অনুৰাগীত দেখি অভিভূত হৈ পৰে অভিনেত্ৰীগৰাকী ৷ নলবাৰীৰ ৰাসত অংশগ্ৰহণ কৰাৰ আগ্ৰহেৰে সংবাদমাধ্যমৰ আগত মন্তব্য প্ৰকাশ কৰে বলীউডৰ মোহময়ী অভিনেত্ৰীগৰাকীয়ে ৷

সোমবাৰে পুৱা ১০ বজাত বৰঝাৰ লোকপ্ৰিয় গোপীনাথ বিমান বন্দৰত অৱতৰণ কৰে অভিনেত্ৰীগৰাকীয়ে ৷ বিমান বন্দৰত উষ্ম আদৰণি জনোৱাৰ পিছতে হোটেল ৰেডিছন ব্লুলৈ অভিমুখে লৈ যোৱা হয় অভিনেত্ৰীগৰাকীক। হোটেলতে কিছু সময় জিৰণি লৈ বিয়লি হেমামালিনী ৰাওনা হ'ব নলবাৰীলৈ ।

উল্লেখ্য যে উত্তৰ পূৰ্বাঞ্চলৰ প্ৰসিদ্ধ প্ৰভু শ্ৰীকৃষ্ণৰ আৰাধনাৰ থলী পবিত্ৰ শ্ৰীশ্ৰী হৰি মন্দিৰৰ উদ্যোগত উদযাপিত নলবাৰী ৰাস মহোৎসৱত হেজাৰ হেজাৰ ভক্ত তথা ৰাইজে সমাগম কৰেহি (Nalbari Raas mahotsav 2022) । নলবাৰীৰ স্বাভিমানৰ প্ৰতীক ঐতিহ্যমণ্ডিত নলবাৰীৰ ৰাস মহোৎসৱ । উজনি নামনিৰ প্ৰতিটো প্ৰান্তৰ পৰাই এই ৰাসথলীত ৰাস উপভোগ কৰিবলৈ আহে হেজাৰ হেজাৰ লোক ।

নামনি অসমৰ এইখন ৰাসত এইবেলি ১৪ নৱেম্বৰৰ পৰা তিনিদিনীয়াকৈ জীৱন্ত ৰাসৰো আয়োজন কৰা হৈছে । জীৱন্ত ৰাসখন উদ্বোধন কৰিব বলীউডৰ মোহময়ী অভিনেত্ৰী হেমা মালিনীয়ে(Dream girl Hema Malini) । অনুষ্ঠানত মুখ্য অতিথি ৰূপে উপস্থিত থাকিব মুখ্যমন্ত্ৰী ড৹ হিমন্ত বিশ্ব শৰ্মা । আনহাতে ১৫ নৱেম্বৰত নলবাৰীৰ ৰাস উপভোগ কৰিবলৈ আহিব বলীউডৰ কমেডী অভিনেতা গোৱৰ্ধনৰ্ধ আশ্ৰানী ।

নলবাৰীৰ ৰাসত এইবেলি বাণিজ্য মেলা, গ্ৰন্থমেলা, দক্ষতা বিকাশ কৰ্মীকে আদি কৰি মিনা বজাৰৰ লগতে পাঁচখন পাঁ কৈ অসমৰ আগশাৰীৰ ভ্ৰাম্যমাণ নাট্যগোষ্ঠীয়ে নাট প্ৰদৰ্শনকৰিব(Trade fair at Nalbari raas festival) ।

লগতে পঢ়ক : পেঙেৰী বনাঞ্চলত উগ্ৰপন্থীৰ সৈতে সেনা-আৰক্ষীৰ গুলীয়াগুলী