নলবাৰী,৩০ চেপ্তেম্বৰ: পুনৰ নামনি সোৱণশিৰি জলবিদ্যুৎ প্ৰকল্পই সৰ্বসাধাৰণৰ মাজত সৃষ্টি কৰিছে ভয়-আশংকাৰ ৷ ৰাজ্যৰ সৰ্বত্ৰে বিভিন্ন দল-সংগঠনে প্ৰকল্পটো বন্ধ কৰাৰ দাবীত সোচ্চাৰ হোৱা পৰিলক্ষিত হৈছে ৷ নামনি সোৱণশিৰি জলবিদ্যুৎ প্ৰকল্পৰ বিৰুদ্ধে বিভিন্ন দল-সংগঠনৰ প্ৰতিবাদ অব্যাহত আছে (Protest against Subansiri lower dam)। ২০০০ মেগাৱাট ক্ষমতা সম্পন্ন নামনি সোৱণশিৰি জলবিদ্যুৎ প্ৰকল্পৰ নিৰ্মাণ কাৰ্যৰ বিৰোধিতাৰে আজি আছুৱে প্ৰতিবাদ সাব্যস্ত কৰে ৷
সদৌ অসম ছাত্ৰ সন্থাৰ আহ্বানত আজি ৰাজ্যজুৰি নামনি সোৱণশিৰি জলবিদ্যুৎ প্ৰকল্প বন্ধ কৰাৰ দাবীত আছুৱে প্ৰতিবাদী কাৰ্যসূচী গ্ৰহণ কৰে (AASU protest against Subansiri lower dam)৷ নলবাৰীতো জিলা ছাত্ৰ সন্থাই NHPC ৰ প্ৰতিকৃতি দাহ কৰি উত্তাল প্ৰতিবাদ সাব্যষ্ট কৰে (Lower Subansiri hydropower project) ।
যিকোনো মূল্যৰ বিনিময়ত নামনি সোৱণশিৰি জলবিদ্যুৎ প্ৰকল্প বন্ধ কৰাৰ দাবী জনায় সংগঠনটোৱে । অসমক কেতিয়াও ধ্বংস কৰিবলৈ দিয়া নহ'ব । অসমক ধ্বংস কৰা কোনো কাৰ্যই আছুৱে হ'বলৈ নিদিয়ে বুলি সংগঠনটোৱে জানিবলৈ দিয়ে ৷
সমিতিয়ে নামনি সোৱণশিৰি জলবিদ্যুৎ প্ৰকল্পৰ সকলো ধৰণৰ কাম-কাজ বন্ধ কৰাৰ লগতে নামনি সোৱণশিৰি জলবিদ্যুৎ প্ৰকল্পটো ভাঙি দিয়াৰ দাবী জনায় । অসমৰ বিশেষজ্ঞ কমিটিৰ প্ৰতিবেদনকো আওকাণ কৰি চৰকাৰে ময়মতালিৰে বান্ধ নিৰ্মাণ কৰা কাৰ্য অব্যাহত ৰখাৰ ফলত নিৰ্মীয়মান অৱস্থাতে খহি যোৱাৰ অভিযোগ আনে আছুৱে (Demand to stop construction of dam) ।
কমিটিৰ প্ৰতিবেদনক আওকাণ কৰি নিৰ্মাণ কৰি থকা সোৱণশিৰি জলবিদ্যুৎ প্ৰকল্পই নামনিৰ জনসাধাৰণলৈ ভাবুকি কঢ়িয়াই অনাৰ আশংকা ব্যক্ত কৰিছে আছুৱে ৷
আজি নলবাৰী জিলা ছাত্ৰ সন্থাই NHPC হুচিয়াৰ , জলবিদ্যুৎ প্ৰকল্প বন্ধ কৰক আদি শ্লোগানেৰে চহৰখনৰ পি এন চি পথত প্ৰতিবাদী কাৰ্যসূচী গ্ৰহণ কৰি পৰিৱেশ উত্তাল কৰি তোলে । মুখ্যমন্ত্ৰী ড৹ হিমন্ত বিশ্ব শৰ্মা নেতৃত্বাধীন বিজেপি চৰকাৰখনক কঠোৰ ভাষাৰে সমালোচনা কৰে সংগঠনটোৱে (Assam CM Himanta Biswa Sarma) । ক্ৰমাৎ বিপজ্জনক হৈ উঠা প্ৰকল্পটোৰ নিৰ্মাণকাৰ্য শীঘ্ৰে বন্ধ নকৰিলে অনাগত দিনত তীব্র আন্দোলন গঢ়ি তোলাৰ হুংকাৰ প্ৰদান কৰে সদৌ অসম ছাত্ৰ সন্থাই ৷
লগতে পঢ়ক: জাৱৰ-বোকা লাগিহে নদীবান্ধৰ টানেলৰ ওপৰেদি পানী বৈছিল : প্ৰদান বৰুৱা
