নলবাৰী,3 এপ্ৰিল: সদৌ অসম ছাত্ৰ সন্থাৰ আহ্বানমৰ্মে শনিবাৰে ৰাজ্যজুৰি পালন কৰা হয় আছুৰ পদযাত্ৰা ৷ নিৰ্বাচনী গৰম বতাহ বলি থকাৰ সমান্তৰালকৈ ৰাজ্যত অত্যাৱশ্যকীয় সামগ্ৰীৰ মূল্যবৃদ্ধিয়ে কোঙা কৰিছে ৰাইজক ৷ খোদ চৰকাৰেও কৰিব পৰা নাই মূল্যবৃদ্ধি নিয়ন্ত্ৰণ ৷ ৰাজ্যৰ অন্যান্য প্ৰান্তৰ দৰে নলবাৰীতো পালন কৰা হয় এই প্ৰতিবাদী কাৰ্যসূচী ৷ নলবাৰীৰ মাজমজিয়াৰ শ্বহীদ ভৱনৰ বাকৰিৰ পৰা আৰম্ভ হোৱা এই পদযাত্ৰাই সামৰি লয় চহৰখনৰ কেইবাটাও অঞ্চলক ৷
উল্লেখ্য যে,প্ৰতিবাদী কাৰ্যসূচী পদযাত্ৰাত অংশগ্ৰহণ কৰি জিলা আছুৰ সভাপতি গুণজ্যোতি পাঠকে সদৰী কৰে যে, হেলিকপ্তাৰেৰে নিৰ্বাচনী প্ৰচাৰ চলাই চৰকাৰে লক্ষাধিক ধন ব্যয় কৰিছে ৷ কিন্তু সামগ্ৰীৰ বৰ্ধিত মূল্য সন্দৰ্ভত কোনো ব্যৱস্থা গ্ৰহণ কৰা নাই চৰকাৰে ৷ তাৰে প্ৰতিবাদতে আছুৱে এই প্ৰতিবাদী কাৰ্যসূচী গ্ৰহণ কৰাৰ কথা জানিবলৈ জিলা আছুৰ সভাপতি গৰাকীয়ে ৷ এই কাৰ্যসূচীত জিলাখনৰ শতাধিক আছু কৰ্মী উপস্থিত থাকে ৷
লগতে চাওকঃ কুইপ’ৰ অপহৃত বিষয়াক মুক্তি
