নগাঁও,23 আগষ্ট: নগাঁৱৰ কামপুৰত পুনৰ সংঘটিত চুৰিকাণ্ডৰ ঘটনা ৷ কামপুৰ আৰক্ষী থানাৰ অন্তৰ্গত কামপুৰৰ বুঢ়াপতীয়া গাঁৱৰ বিনন্দ শৰ্মাৰ ঘৰত সংঘটিত হয় এই চুৰিকাণ্ড। ঘৰত কোনো নথকাৰ সুযোগ গ্ৰহণ কৰি বৃহস্পতিবাৰে নিশা চোৰে চলাই চাফাই অভিযান ৷ খবৰ দিয়াৰ পিছতো ঘটনাস্থলীত কামপুৰ আৰক্ষী উপস্থিত নোহোৱাৰ অভিযোগ পৰিয়ালৰ ৷ বহু মূল্যবান সামগ্ৰী চুৰি কৰি নিয়াৰ সন্দেহ বিনন্দ শৰ্মা পৰিয়ালৰ ৷ ইপিনে কামপুৰ বজাৰৰ মাজমজিয়াৰ পৰা চাইকেল চুৰি কৰি পলাব খোজোতেই ৰাইজে হাতে লোটে ধৰে এটা চোৰক ৷ স্থানীয় ৰাইজে লপাথপা দি আৰক্ষীক গতাই দিয়ে চোৰটোক ৷ ধৃত চোৰটো কচুৱাৰ গুলজাৰ হুছেইন বুলি জানিব পৰা গৈছে ৷ সঘনাই কামপুৰ নগৰ এলেকাত চুৰি কাণ্ড সংঘটিত হৈ আহিছে যদিও কামপুৰ আৰক্ষীয়ে নিষ্ক্ৰিয় ভূমিকা গ্ৰহণ কৰাৰ অভিযোগ উত্থাপন কৰিছে স্থানীয় ৰাইজে ৷
নগাঁৱৰ কামপুৰ বুঢ়াপতীয়াত চোৰৰ চাফাই অভিযান
