কলিয়াবৰ, 31 আগষ্ট: কলিয়াবৰত ভয়ংকৰ পথ দুৰ্ঘটনা (Road Accident in Kaliabor) ৷ দুৰ্ঘটনাত থিতাতে নিহত হয় এজন বাইক আৰোহী ৷ জখলাবন্ধাৰ পৰা কলিয়াবৰ তিনিআলি অভিমুখে আহি আছিল দুই বাইক আৰোহী ৷
জানিব পৰা মতে দ্ৰুতগতিত বাইক চলাই আহি আছিল আৰোহী দুজন ৷ ফলত নিয়ন্ত্ৰণ হেৰুৱাই পথৰ দাঁতিৰ ডিভাইডাৰত খুন্দিয়ালে মটৰ চাইকেলখনে ৷ ফলত এজন বাইক আৰোহী থিতাতে নিহত হোৱাৰ বিপৰীতে গুৰুতৰ ভাৱে আহত হয় আনজন আৰোহী ৷ নিহত আৰোহীজন দৰ্শিত বৰা আৰু আহতজন মানস বৰা বুলি জানিব পৰা গৈছে ৷
কলিয়াবৰত পথ দুৰ্ঘটনাত নিহত এজন বাইক আৰোহী
পিছত ঘটনাস্থলীত কলিয়াবৰ আৰক্ষী উপস্থিত হৈ মৃতদেহ উদ্ধাৰ কৰাৰ লগতে আহত মানস বৰাক জখলাবন্ধা চিকিৎসালয়ত ভৰ্তি কৰায় ৷ দুৰ্ঘটনাত পতিত KTM বাইকখনৰ নম্বৰ হৈছে AS 12 A E 3848 ৷
লগতে পঢ়ক: বৰপেটাত শিহৰণকাৰী পথ দুৰ্ঘটনাত নিহত এজন
