নগাঁও,25 ছেপ্তেম্বৰ: এখন বিলাসী বাহন বিক্ৰীৰ নামত নগাঁৱৰ নেহা কাৰ বাজাৰ নামৰ এটা প্ৰতিষ্ঠানৰ স্বত্বাধিকাৰীৰ পৰা 30 লাখ টকা আত্মসাত কৰা গুৱাহাটীৰ মৃদুপৱন নেওগৰ বিৰুদ্ধে নগাঁও আৰক্ষীয়ে আৰম্ভ কৰিছে ব্যাপক অভিযান ৷ বিলাসী বাহন বিক্ৰীৰ নামত প্ৰৱঞ্চনা কৰাৰ অভিযোগত নেহা কাৰ বাজাৰৰ স্বত্বাধিকাৰীয়ে নগাঁও সদৰ আৰক্ষী থানাত এখন এজাহাৰ দাখিল কৰিছিল ৷ উক্ত এজাহাৰৰ ভিত্তিত নগাঁও আৰক্ষীয়ে শুকুৰবাৰে নিশা মৃদুপৱনৰ গুৱাহাটীৰ কাহিলীপাৰাস্থিত বাসগৃহত অভিযান চলায় ৷
আৰক্ষীৰ অভিযানৰ সময়তেই মৃদুপৱন নেওগে পলায়ন কৰিবলৈ সক্ষম হয় যদিও মৃদুপৱনৰ বাসগৃহৰ পৰা আৰক্ষীয়ে জব্দ কৰিছে এটা .32 পিষ্টল, 20 জাই সজীৱ গুলিসহ বহু আপত্তিজনক সামগ্ৰীৰ লগতে নথি পত্ৰ ৷ বৰ্তমান মৃদুপৱনৰ ব্যক্তিগত নিৰাপত্তাৰক্ষী আৰু গাড়ী চালকক সোধ পোছৰ বাবে আটক কৰিছে আৰক্ষীয়ে ৷ আটকাধীন গাড়ীচালক আৰু ব্যক্তিগত নিৰাপত্তাৰক্ষীক লগত লৈ শনিবাৰে সন্ধিয়া নগাঁও সদৰ আৰক্ষী থানাত উপস্থিত হয় অভিযানকাৰী আৰক্ষীৰ দলটো ৷
বৰ্তমান নগাঁও আৰক্ষীয়ে ঘটনা সন্দৰ্ভত দুয়োকে জেৰা অব্যাহত ৰখাৰ লগতে মৃদুপৱনক বিচাৰি ব্যাপক অভিযান আৰম্ভ কৰিছে ৷ আৰক্ষীৰ জেৰাত আৰু বহু বিস্ফোৰক তথ্য পোহৰলৈ অহাৰ সম্ভাৱনা আছে ৷ এনেদৰে আন বহু লোকক প্ৰৱঞ্চনাৰ কৰি ধৃত মৃদুপৱন নেওগে কোটি কোটি টকা আত্মসাৎ কৰাৰ সন্দেহ প্ৰকাশ কৰিছে আৰক্ষীয়ে ৷
লগতে পঢ়কঃ পঞ্চায়ত প্ৰতিনিধিলৈ ৬৬ কোটি ৮৪ লাখ ২৫ হাজাৰ টকা মুকলি বিত্ত বিভাগৰ
