নগাঁও,21 ছেপ্টেম্বৰ : ভিক্টৰ দাসক চাকৰিৰ পৰা নিলম্বন সন্দৰ্ভত সৰৱ ৰূপহীহাটৰ বিধায়ক নুৰুল হুদা (Nurul Huda criticized BJP govt) ৷ ভিক্টৰ দাসক চাকৰিৰ পৰা নিলম্বন কৰা কাৰ্যক অগণতান্ত্ৰিক আখ্যা দিয়ে বিধায়কগৰাকীয়ে(Victor Das suspended) ৷ পূৱ পানীটেমা ৰাধাকৃষ্ণ যুগল মিলন প্ৰাথমিক বিদ্যালয়ৰ সহকাৰী শিক্ষক হিচাপে কৰ্মৰত ভিক্টৰ দাসে তৃতীয় চতুৰ্থ বৰ্গৰ নিযুক্তি প্ৰক্ৰিয়াত ধনৰ লেনদেন হোৱা বুলি উত্থাপন কৰিছিল গুৰুতৰ অভিযোগ ৷
অসম চৰকাৰৰ প্ৰতিটো পদৰ নিযুক্তিৰ বাবদ ৩ লাখৰ পৰা ৮ লাখ টকালৈ ধনৰ লেনদেন চলাৰ লগতে চাকৰি কিনা-বেচা প্ৰক্ৰিয়াৰ আঁৰত প্ৰাক্তন বিধায়ক জড়িত থকা বুলিও অভিযোগ উত্থাপন কৰি মুখ্যমন্ত্ৰী, আৰক্ষী সঞ্চালক প্ৰধান, বিশেষ সঞ্চালক প্ৰধানক উদ্দেশ্যি টুইট কৰিছিল ভিক্টৰ দাসে । ইয়াৰ পাছতে এই টুইটক কেন্দ্ৰ কৰি সামাজিক মাধ্যমত সৃষ্টি হৈছিল তীব্ৰ প্ৰতিক্ৰিয়াৰ ৷
ভিক্টৰ দাস সন্দৰ্ভত আৰক্ষী-প্ৰশাসনে তৎপৰ ভূমিকা গ্ৰহণ কৰি পাণবজাৰ আৰক্ষীয়ে মাৰাথন জেৰা চলাই ৯ ছেপ্টেম্বৰত ভিক্টৰ দাসক গ্ৰেপ্তাৰ কৰে ৷
গুৱাহাটী উচ্চ ন্যায়ালয়ে জামিন মঞ্জুৰ কৰাৰ পাছতে শনিবাৰে মুকলি আকাশৰ তললৈ আহে ভিক্টৰ দাস আৰু মঙলবাৰে শিক্ষা সঞ্চালকালয়ে ভিক্টৰ দাসক চাকৰিৰ পৰা নিলম্বন কৰে (Victor Das got bail) ৷ চৰকাৰী শিক্ষক হোৱাৰ পাছতো ব্যক্তিগতভাৱে কোচিং চলাই থকাৰ অভিযোগ তুলি শিক্ষা সঞ্চালকালয়ে চাকৰিৰ পৰা নিলম্বন কৰে ভিক্টৰ দাসক (Allegation against Victor Das)৷
ভিক্টৰ দাসৰ নিলম্বন সন্দৰ্ভত ৰাজ্যজুৰি প্ৰতিক্ৰিয়া অব্যাহত থকাৰ সময়তে ভিক্টৰ দাসৰ নিলম্বনক আখেজমূলক তথা হঠকাৰী আখ্যা দিয়ে ৰূপহীহাটৰ কংগ্ৰেছী বিধায়ক নুৰুল হুদাই (Nurul Huda criticized BJP govt) ৷ ভিক্টৰ দাসক চাকৰিৰ পৰা নিলম্বন কৰা কাৰ্যক অগণতান্ত্ৰিক আখ্যা দিয়ে বিধায়কগৰাকীয়ে (Reactions on Victor das suspension) ৷
বিজেপি চৰকাৰে দুৰ্নীতিৰ বিৰুদ্ধে যিয়েই মাত মাতিব তেওঁকেই গ্ৰেপ্তাৰ কৰাৰ ইংগিত বহন কৰিছে ভিক্টৰ দাসৰ ক্ষেত্ৰত শেহতীয়াকৈ গ্ৰহণ কৰা কৰ্ম-কাণ্ডৰ পৰা ৷ নাভূত-নাশ্ৰুত ধাৰা জাপি দি গ্ৰেপ্তাৰ কৰা ভিক্টৰ দাসক নিলম্বনৰ সিদ্ধান্ত প্ৰত্যাহাৰৰ দাবী জনায় বিধায়কগৰাকীয়ে ৷
লগতে পঢ়ক: ভিক্টৰৰ ওপৰত লগোৱা গোচৰৰ উত্তৰ বিচাৰি মহানগৰ আৰক্ষীলৈ পত্ৰ সঞ্চালক প্ৰধানৰ
