কলিয়াবৰ, 1 জুন: নগাঁৱৰ কলিয়াবৰত অবৈধ নিচাযুক্ত বেহাৰ বিৰুদ্ধে তৎপৰ হৈ পৰিছে জখলাবন্ধা আৰক্ষী ৷ বিগত সময়চোৱাত কলিয়াবৰৰ বিভিন্ন স্থানৰ পৰা ড্ৰাগছ, অবৈধ বিলাতী সুৰা জব্দ কৰাৰ লগতে এই ব্যৱসায়ত জড়িত কেইবাজনো অপৰাধী আৰু জুৱাৰীক আটক কৰা হৈছে ৷
মঙলবাৰেও আৰক্ষীৰ অভিযানত জখলাবন্ধা আৰক্ষী নিৱেশৰ ভাৰপ্ৰাপ্ত আৰক্ষী বিষয়া নিপু কলিতাৰ নেতৃত্বত ঢেকীয়াল গাঁৱৰ দ্বীপেন দাস নামৰ লোকজনৰ বাসগৃহৰ পৰা জব্দ কৰা হয় বৃহৎ পৰিমাণৰ গাঞ্জা ৷ এই সন্দৰ্ভত গাঞ্জা সৰবৰাহকাৰী দ্বীপেন দাসক আটক কৰাৰ লগতে সৰবৰাহকাৰীজনৰ স্বীকাৰোক্তিৰ ভিত্তিত আমবাগান আৰক্ষী চকীৰ অন্তৰ্গত দক্ষিণ ভোমোৰাগুৰিৰ পৰা কৃষ্ণ দাস নামৰ আন এজনক আটক কৰে আৰক্ষীয়ে ৷
জব্দকৃত গাঞ্জাখিনিৰ ওজন 1300 গ্ৰাম বুলি জানিব পৰা গৈছে । ঘটনা সন্দৰ্ভত জখলাবন্ধা আৰক্ষী নিৱেশত এক গোচৰ ৰুজু কৰি তদন্ত অব্যাহত ৰাখিছে আৰক্ষীয়ে ৷
লগতে পঢ়ক : গুৱাহাটীৰ অলিয়ে-গলিয়ে বৰবিহ ড্ৰাগছৰ বেহা
