কলিয়াবৰ,৯ ফেব্ৰুৱাৰী: কলিয়াবৰত মঙলবাৰে উদ্ধাৰ কৰা হয় এটি বনৰীয়া হাতী পোৱালি । খাদ্য়ৰ সন্ধানত ওলাই অহা হাতীৰ পোৱালিটো এটা শিলৰ ফাঁকত আৱদ্ধ হৈ আছিল । কলিয়াবৰৰ চিকনি চাহ বাগিচাত পাহাৰৰ নামনিত প্ৰকাণ্ড শিলৰ মাজত আবদ্ধ হাতী পোৱালিটো স্থানীয় লোকৰ সহযোগত জখলাবন্ধা আৰু শিলঘাটৰ বন বিভাগে উদ্ধাৰ কৰে ।
স্থানীয় লোকৰ মতে খাদ্য় সন্ধানত মাকৰ লগত ওলাই অহা পোৱালিটো পথ হেৰুৱাই শিলৰ মাজত আৱদ্ধ হৈছিল । উদ্ধাৰ কৰা হাতী পোৱালিটো সামান্য় আঘাট প্ৰাপ্ত আছিল যাৰ বাবে হাতী পোৱালিটো জখলাবন্ধা খণ্ড বন বিভাগৰ কাৰ্যালয়লৈ চিকিৎসাৰ বাবে লৈ যোৱা হৈছে । পোৱালিটোৰ বয়স প্ৰায় এমাহ হ'ব বুলি বন বিভাগে জানিবলৈ দিয়ে ।
লগতে পঢ়ক:দক্ষিণ শালমাৰাত আশা কৰ্মীৰ প্ৰতিবাদ
