মাজুলী, 31 জুলাই: ভাৰতৰ ৭৫ সংখ্যক স্বাধীনতা দিৱস উপলক্ষে সমগ্ৰ দেশজুৰি অনুষ্ঠিত হ'ব স্বাধীনতাৰ অমৃত মহোৎসৱ (Azadi Ka Amrit Mahotsav) ৷ আজাদী কা অমৃত মহোৎসৱ পালনৰ জৰিয়তে এইবাৰ "হৰ ঘৰ ত্ৰিৰংগা" কাৰ্যসূচী গ্ৰহণ কৰিছে কেন্দ্ৰীয় আৰু ৰাজ্য চৰকাৰে (Har Ghar Tiranga Abhiyan) । জন অংশীদাৰিত্বৰে ‘হৰ ঘৰ ত্ৰিৰংগা" কাৰ্যসূচী সাফল্য মণ্ডিত কৰাৰ বাবে ইতিমধ্যে প্ৰধানমন্ত্ৰী মোডীয়ে দেশবাসীক আহ্বান জনাইছে ৷
ৰাজ্যৰ অন্যান্য প্ৰান্তৰ লগতে সত্ৰ নগৰী মাজুলীতো ইয়াক লৈ ব্যাপক প্ৰস্তুতি চলা পৰিলক্ষিত হৈছে ৷ ঘৰে ঘৰে জীয়ৰী বোৱাৰী ব্যস্ত হৈ পৰিছে তিনি বৰণীয়া জাতীয় পতাকো চিলোৱাত (Women busy making Tiranga in Majuli) ৷
উল্লেখ্য যে, মাজুলীৰ দক্ষিণপাট গাঁও পঞ্চায়তৰ অন্তৰ্গত ১ নং কঢ়াল গাঁৱৰ এদল সকল মহিলাই জীবিকা সখীৰ সহযোগত মাজুলীৰ প্ৰত্যেকটো পঞ্চায়তৰ গোটসমূহৰ, যিবোৰ গোটে পতাকা বনাৱাৰ প্ৰশিক্ষণ লৈছে সেই সকলো গোটকে বনাবলৈ দিছে এই পতাকা । ইফালে এই গোটসমূহে অহা তিনি তাৰিখৰ পৰা প্ৰতি ঘৰ লোকৰ লগতে দোকানে দোকানে এই পতাকাসমূহ বিক্ৰী কৰিব বুলি জানিবলৈ দিয়ে পতাকা তৈয়াৰ কৰা মহিলাসকলে ।
লগতে পঢ়ক: Har Ghar Triranga: বাক্সা জিলা প্ৰশাসনৰ উদ্যোগত ৰাষ্ট্ৰীয় পতাকা বিক্ৰী কেন্দ্ৰ মুকলি
