মাজুলী, 16 জুলাইঃ মুখাশিল্পত সংগীত নাটক অকাডেমী বঁটা লাভ কৰা তৃতীয় গৰাকী মুখা শিল্পী ৰূপে স্বীকৃতি লাভ কৰিবলৈ সক্ষম হ'ল মাজুলী নতুন চামগুৰী সত্ৰৰ বিশিষ্ট মুখাশিল্পী ড0 হেমচন্দ্ৰ গোস্বামীয়ে৷ আজীৱন প্ৰগতিশীল ধাৰাৰে মুখাশিল্পক আগবঢ়াই লৈ যোৱাৰ প্ৰয়াস কৰি আহিছে শিল্পী গৰাকীয়ে ৷
মুখা শিল্পী ড0 হেমচন্দ্ৰ গোস্বামীলৈ সংগীত নাটক অকাডেমী বঁটা
নতুন চামগুৰী সত্ৰৰ হেমচন্দ্ৰ গোস্বামী সংগীত নাটক অকাডেমী বঁটা লাভ কৰা সত্ৰখনৰে দ্বিতীয় গৰাকী ব্যক্তি। ইয়াৰ পূৰ্বে নতুন চামগুৰী সত্ৰৰ সত্ৰাধিকাৰ কোষকান্ত গোস্বামীয়ে এই বঁটা লাভ কৰিছিল । বানৰ মাজতো শিল্পী গৰাকীৰ সফলতাৰ এই খবৰে প্ৰতিজন মাজুলীয়ালকে গৌৰৱান্বিত কৰি তুলিছে ৷
