নাওবৈচা, ৩০ নৱেম্বৰ : লখিমপুৰ জিলাৰ নাওবৈচা আৰক্ষী চকীৰ(Under Nowboicha police outpost) অন্তৰ্গত গেন্ধালী গাঁৱৰ নিবাসী অনিল নাথ (৪০) নামৰ এজন লোকৰ মৃতদেহ উদ্ধাৰক (recovery of dead body)লৈ এতিয়াও অঞ্চলজুৰি প্ৰতিক্ৰিয়া অব্যাহত আছে ৷ যোৱা 22 নৱেম্বৰত উদ্ধাৰ হৈছিল নাথৰ মৃতদেহ ৷ কিন্তু অনিল নাথৰ মৃতদেহ উদ্ধাৰ হোৱা ঘটনাই 9 টা দিন অতিক্ৰম কৰিলে যদিও আজিও ঘটনাটোৰ সন্দৰ্ভত কোনো তদন্ত নোহোৱাৰ অভিযোগ তুলিছে পৰিয়ালৰ লোকে ৷
পৰিয়ালৰ লোকে সদৰী কৰা মতে, যোৱা ২১ নৱেম্বৰৰ সন্ধিয়া প্ৰায় ৮ বজাত নিজৰ কৰ্মস্থলীৰ পৰা দেউতাকৰ বছেৰেকীয়া শ্ৰাদ্ধৰ বাবে ঘৰলৈ আহিছিল অনিল নাথ ৷ ঘৰলৈ অহাৰ সময়তে পেৰাবাৰীত থকা নিজৰ মোমায়েকৰ ঘৰত সোমাইছিল অনিল নাথ । তাৰ পিছৰ পৰা অনিল নাথ সন্ধানহীন হৈ আছিল ।
দেউতাকৰ শ্ৰাদ্ধৰ পুৱাৰ ভাগত অৰ্থাৎ ২২ নৱেম্বৰৰ দিনা মোমায়েকৰ ঘৰৰ কিছু নিলগৰ পথৰ কাষত উদ্ধাৰ হৈছিল অনিল নাথৰ মৃতদেহ (Body found on roadside) । মৃতদেহৰ মুখত আৰু দেহত আঘাতৰ চিন স্পষ্ট হৈ আছিল । পৰিয়ালৰ লোকে অনিল নাথক কোনেৱে হত্যা কৰি পথৰ কাষত পেলাই যোৱাৰ সন্দেহ কৰি নাওবৈচা আৰক্ষী চকীত সেইদিনাই দাখিল কৰিছিল এজাহাৰ ।
লগতে পঢ়ক : Jorhat mob lynching case: ফাষ্ট ট্ৰেক আদালতত দোষীৰ বিচাৰৰ নিৰ্দেশ মুখ্যমন্ত্ৰীৰ
কিন্তু মৃতদেহ উদ্ধাৰৰ 9 টা দিন পাৰ হৈ যোৱাৰ পিছতো এই হত্যাকাণ্ডৰ সন্দৰ্ভত নাওবৈচা আৰক্ষীয়ে কোনো ধৰণৰ তদন্ত নকৰাৰ অভিযোগ উত্থাপন কৰিছে পৰিয়ালৰ লোকে । যাৰ পৰিপ্ৰেক্ষিতত মঙলবাৰে ছাত্ৰ সন্থাকে ধৰি স্থানীয় শতাধিক পুৰুষ-মহিলাই নাওবৈচা আৰক্ষী চকী ঘেৰাও কৰি উত্তপ্ত পৰিস্থিতি সৃষ্টি কৰে(Tense Situation at Nowboicha Police Outpost) ।
পৰিয়াল তথা স্থানীয় ৰাইজে অভিযোগ কৰা মতে, নাওবৈচা আৰক্ষীয়ে ঘটনাৰ সন্দৰ্ভত কোনো ধৰণৰ তদন্ত নকৰি হত্যাকাণ্ডৰ লগত জড়িত ব্যক্তিক ৰক্ষণাবেক্ষণ দিয়াৰহে চেষ্টা কৰিছে ৷ আনকি অনিল নাথৰ পৰিয়ালৰ লোকে এজাহাৰ দিবলৈ আহোতে প্ৰথমে এজাহাৰ ঘূৰাই দিয়াৰো অভিযোগ উত্থাপন হৈছে নাওবৈচা আৰক্ষীৰ বিৰুদ্ধে ৷ গতিকে, অনিল নাথক কোনো দুৰ্বৃত্তই হত্যা কৰাৰ অভিযোগ তুলি ঘটনাটোৰ সন্দৰ্ভত উচিত তদন্তৰ বাবে পুনৰ দাবী জনাইছে স্থানীয় লোকে ৷
লগতে পঢ়ক : Jorhat Mob Lynching : গ্ৰেপ্তাৰ মূল অভিযুক্ত ক’লা ল’ৰা ওৰফে নীৰজ দাস
