বিহপুৰীয়া, 2 আগষ্ট : লখিমপুৰ জিলাৰ নাৰায়ণপুৰত লাভলীনা বৰগোহাঁই (Lovlina Borgohain)ৰ সফলতা কামনা কৰি পূজা-অৰ্চনা কৰে টাই আহোম জনগোষ্ঠীয় লোকসকলে ৷ সম্পূৰ্ণ টাই আহোম পৰম্পৰাৰে সোমবাৰে অনুষ্ঠিত কৰা হয় এই পূজাভাগ ৷ টকিঅ’ অলিম্পিক (Tokyo Olympics)ত যাতে লাভলীনাই সোণৰ পদক (Gold Medal) কঢ়িয়াই আনে সেই কামনাৰে অনুষ্ঠিত কৰা হয় জাচিংফা পূজা ৷
ৰঙতি যোৰহটীয়া গাঁৱত টাই আহোম ছাত্ৰ সন্থা, পূৰ্বাঞ্চল টাই সাহিত্য সভাৰ স্থানীয় আঞ্চলিক সমিতি আৰু জ্ঞানজ্যোতি পুথিভঁৰালৰ সহযোগত স্থানীয় গাঁওবাসীয়ে পূজা অনুষ্ঠিত কৰি লাভলীনা বুঢ়াগোহাঁইৰ মংগল কামনা কৰে । লাভলীনাৰ বিজয় কামনা কৰি ইতিমধ্যে ঠায়ে ঠায়ে বিভিন্ন জাতি-জনগোষ্ঠীয়ে পূজাৰ আয়োজন কৰিছে ৷
লগতে পঢ়ক : লাভলীনাই অসমৰ বাবে সোণ বুটলি অনাৰ আশা লুৰিণৰ
কিছুদিন পূৰ্বে লাভলীনা বৰগোহাঁইক উৎসাহ প্ৰদান কৰিবলৈ চাইকেল ৰেলী কৰাৰ পাচতে মৰাণত আটাছু (AATASU)ৰ উদ্যোগত অনুষ্ঠিত কৰা হয় বাণ-ফী পূজা ৷
চলিত টকিঅ’ অলিম্পিকত অসম কন্যা, বক্সাৰ লাভলীনা বৰগোঁহাই যাতে বিজয়ী হৈ আহিব পাৰে, তাৰে কামনাৰে আটাছুৰ উদ্যোগত তথা তিলৈ নগৰ নতুন গাঁওবাসীৰ সহযোগত আহোমৰ পৰম্পৰাৰ নীতি নিয়মেৰে বাণ-ফী পূজা অনুষ্ঠিত কৰা হয় ৷
লগতে পঢ়ক : লাভলীনাৰ বিজয় কামনাৰে আটাছুৰ বাণ-ফী পূজা-অৰ্চনা
