কোকৰাঝাৰ ২১ ডিচেম্বৰ : কোকৰাঝাৰত পুনৰ সংঘটিত হল Encounterৰ ঘটনা(Ganja supplier injured by police firing) । প্ৰাপ্ত তথ্য অনুসৰি কোকৰাঝাৰ জিলাৰ বিছমুৰী এলেকাত সংঘটিত হয় এই এনকাউন্টাৰ(police firing ganja supplier in kokrajhar) ৷ কোকৰাঝাৰ জিলা আৰক্ষীৰ পিস্টলৰ গুলীত গুলীবিদ্ধ হ'ল হৰেন্দৰ যাদব (২৮) নামৰ উত্তৰ প্ৰদেশৰ বলিয়া জিলাৰ এজন গাঞ্জা বেপাৰী ৷
উল্লেখ্য যে, জিলা খনৰ গোসাইগাঁও মহকুমাৰ অসম - বংগ সীমান্তৰ শিমুলটাপুত সোমবাৰে নিশা আৰক্ষীয়ে বহিৰাজ্য অভিমুখী WB 11C 3219 নম্বৰৰ এখন ছয়চকীয়া ট্ৰাক এখন জব্দ কৰে ৷ উক্ত ট্ৰাক খনৰ পৰা আৰক্ষীয়ে জব্দ কৰিবলৈ সক্ষম হয় ২৯ টা পেকেটত ভৰাই থোৱা ৩০৮ কিলোগ্ৰাম গাঞ্জা ৷ জব্দকৃত গাঞ্জা খিনিৰ বজাৰ মূল্য ৭০ লাখ টকা হ'ব বুলি আৰক্ষীয়ে জানিবলৈ দিয়ে । এই ঘটনাত আৰক্ষীয়ে ট্ৰাকখনৰ চালক মহেশ যাদব ( ৬৫) সহ হৰেন্দ্ৰৰ যাদব( ২৮) নামৰ গাঞ্জা সৰবৰাহৰ লগত জড়িত দুজন লোকক আটক কৰিবলৈ সক্ষম হয়(kokrajhar police arrested ganja supplier) ৷
আনফালে ,আটকাধীন গাঞ্জা সৰবৰাহকাৰী হৰেন্দ্ৰৰ যাদবে আৰক্ষীক দিয়া স্বীকৰোক্তিৰ ভিত্তিত বিছমুৰী এলেকাত লুকুৱাই থোৱা গাঞ্জা দেখুৱাবলৈ সোমবাৰে মাজনিশাই আৰক্ষীয়ে বিছমুৰী অভিমূখে লৈ গৈছিল আটকাধীন হৰেন্দৰ যাদবক ৷ কিন্তু সেই সময়তে আৰক্ষীৰ হাতৰ পৰা আটকাধীন হৰেন্দৰ যাদবে পলায়ন কৰাৰ চেষ্টা কৰোঁতেই আৰক্ষীৰ গুলীত গুলীবিদ্ধ হয় হৰেন্দৰ যাদব নামৰ গাঞ্জা সৰবৰাহকাৰীটো ৷
সম্প্ৰতি বৰপেটা মেডিকেল কলেজ হাস্পতালত চিকিৎসাধীন হৈ আছে আটকাধীন হৰেন্দৰ যাদব ৷
জানিব পৰা মতে অতি ৰহস্যজনকভাবে গাঞ্জাসহ জব্দ কৰা ট্ৰাকখনত সোমবাৰে মাজনিশাই অগ্নিকাণ্ডৰ ফলত ট্ৰাকখন প্ৰায় সম্পূৰ্ণৰূপে জ্বলি ভস্মীভূত হয় ৷ বৰ্তমান আৰক্ষীয়ে কোনো দুষ্কৃতিকাৰীয়ে ট্ৰাকখন জ্বলাই দিয়াৰ সন্দেহ কৰা প্ৰকাশ কৰে ৷
লগতে পঢ়ক : Encounter in Dakmaka : আৰক্ষীৰ গুলীত নিহত অপহৰণকাৰী
