ডিফু,৩০ জুলাই: আজি সমগ্ৰ দেশতে আৰক্ষী তথা নাৰ্কটিক্সে(Narcotics Control Bureau) বিভিন্ন সময়ত বিভিন্ন স্থানত জব্দ কৰা নিচাযুক্ত দ্ৰৱ্য দাহন তথা বিনষ্ট কৰাৰ কাৰ্যসূচী গ্ৰহণ কৰা হৈছে (Seized Drugs burnt all over India) । গৃহ মন্ত্ৰালয়ৰ নিৰ্দেশক্ৰমে প্ৰতিখন ৰাজ্যতে ৰূপায়ণ কৰা এই কাৰ্যসূচীৰ অংশ হিচাবে অসমত নিচাযুক্ত দ্ৰৱ্য ৰাজহুৱাভাৱে বিনষ্ট কৰা হৈছে ।
ৰাজ্যৰ বিভিন্ন প্ৰান্তৰ সমান্তৰালভাৱে ডিফুতো কাৰ্বি আংলং আৰক্ষী প্ৰশাসনৰ উদ্যোগত দাহ কৰে প্ৰায় প্ৰায় ২ কোটি ৭২ লাখ টকা মূল্যৰ নিচাজাতীয় সামগ্ৰী(Drugs Disposal in Diphu) । শনিবাৰৰ দিনটোত ক্ৰমে, ৩ কেজি ৪৮ গ্ৰাম হেৰইন, ৩২০ কেজি ৬ গ্ৰাম গাঞ্জা, ২১০২ টা ছেমপ্লেক্স কেপচুল, ২৬ বটল কফ চিৰাপ, ৰাজহুৱাভাৱে কাৰ্বি আংলং আৰক্ষী প্ৰশাসনে বিভাগীয় নিৰ্দেশনা অনুসৰি ড্ৰাগছ ডিছপজেল কমিটিৰ সদস্য সকলৰ উপস্থিতিত দাহ কৰে ৷
উক্ত ড্ৰাগছ দাহন কাৰ্যসূচীত উপস্থিত থাকে জিলা আৰক্ষী অধীক্ষক পুষ্পৰাজ সিং, উপ-আৰক্ষী অধীক্ষক নাহিদ কৰিশ্মা, উপ-আৰক্ষী অধীক্ষক নিলোৎপল শইকীয়াকে আদি কৰি বহু উচ্চ পদস্থ বিষয়া ৷ দাহ কৰা নিচাযুক্ত সামগ্ৰী সমূহৰ মূল্য প্ৰায় ২ কোটি ৭২ লাখ টকা হব বুলি জিলা উপ-আৰক্ষী অধীক্ষক নাহিদ কৰিশ্মাই সংবাদ মাধ্যমৰ আগত জানিবলৈ দিছে ৷ উল্লেখ্য যে যোৱা ২৫ জুনত কাৰ্বি আংলং জিলা আৰক্ষীৰ উদ্যোগত ডিফুৰ ৫ মাইল 'ছাই ' খেল পথাৰত দাহ কৰা হৈছিল প্ৰায় ১১ কোটি টকা মূল্যৰ ড্ৰাগছ ।
লগতে পঢ়ক: Drugs Disposal at Guwahati: চন্দ্ৰপুৰত ১০০ কোটি মূল্যৰ ড্ৰাগছ বিনষ্ট
