ডিফু,6 জুন: কাৰ্বি লাংপি জলবিদ্যুত প্ৰকল্পত কৰ্মৰত জোৱান নিৰুদ্দেশ হোৱাৰ ঘটনাই চাঞ্চল্যৰ সৃষ্টি কৰিছে পশ্চিম কাৰ্বি আংলং জিলাত ৷ বিগত দুদিন ধৰি অস্ত্ৰসহ নিৰুদ্দেশ হৈ আছে জোৱানজন ৷ প্ৰাপ্ত খবৰ অনুসৰি, কাৰ্বি লাংপি জলবিদ্যুৎ প্ৰকল্প(Karbi Langpi Hydro Electric Project)ত কৰ্মৰত হৈ আছিল জোৱানজন ৷ জোৱানজন ১৬ আই আৰ বি এন(IRBN)ৰ ঋতু বৰা বুলি জানিব পৰা গৈছে ৷
কাৰ্বি লাংপি জলবিদ্যুত প্ৰকল্পত কৰ্মৰত জোৱান নিৰুদ্দেশ
উল্লেখ্য যে, জোৱানজনৰ লগত এটা ইনচাজ ৰাইফল(INSAS rifle) আৰু কেইবাজাঁই সজীৱ গুলী আছিল ৷ এতিয়ালৈ ৰাইফলটোৰো কোনো সন্ধান পোৱা নাই আৰক্ষীয়ে । শুকুৰবাৰে নিশা কৰ্তব্যত নিয়োজিত হৈ থকাৰ সময়তে নিৰুদ্দেশ হৈ পৰে ঋতু বৰা নামৰ জোৱানজন । জিলা আৰক্ষী অধীক্ষক আজাগৌৰান বসুমতাৰীৰ নেতৃত্বত এটি আৰক্ষীৰ দলে জোৱানজনৰ সন্ধানত অভিযান তীব্ৰতৰ কৰি তুলিছে ।
লগতে পঢ়ক : ইটিভিয়ে ফাদিল কৰা ভিডিঅ'ক লৈ প্ৰদেশ কংগ্ৰেছত ধুমুহা
