কাৰ্বি আংলঙৰ উপায়ুক্ত আৰু আৰক্ষী অধীক্ষকক সাক্ষাৎ আমছুৰ

সদৌ অসম সংখ্যালঘু ছাত্ৰ সন্থা চমুকৈ আমছুৰ কাৰ্বি আংলং জিলাৰ সভাপতি মাজিদ খানৰ নেতৃত্বত এক সঁজাতি দলে শুকুৰবাৰে কাৰ্বি আংলঙৰ উপায়ুক্ত আৰু আৰক্ষী অধিক্ষকক সাক্ষাৎ কৰে ৷ আমছুৰ সঁজাতি দলটোৱে দুয়োগৰাকী বিষয়াকে উপহাৰস্বৰূপে একোটাকৈ আমছুৰ স্মাৰক প্ৰদান কৰে ৷

ডিফু, 29 আগষ্টঃ সদৌ অসম সংখ্যালঘু ছাত্ৰ সন্থা চমুকৈ আমছুৰ কাৰ্বি আংলং জিলাৰ সভাপতি মাজিদ খানৰ নেতৃত্বত এক সঁজাতি দলে শুকুৰবাৰে কাৰ্বি আংলঙৰ উপায়ুক্ত আৰু আৰক্ষী অধিক্ষকক সাক্ষাৎ কৰে ৷ সাক্ষাৎকালত দলটোৱে দুয়োগৰাকী প্ৰশাসনিক বিষয়া ক্ৰমে চন্দ্ৰধ্বজ সিনহা আৰু দেৱজিৎ দেউৰীক জিলাখনত বৃদ্ধি পাই অহা বিভিন্ন সমস্যাৰ বিষয়ে অৱগত কৰে ৷ ইয়াৰ উপৰিও অসম-নাগালেণ্ড সীমান্তৰ লাহৰিজানত আধাৰ সেৱা কেন্দ্ৰৰ অভাৱত সাধাৰণ ৰাইজে বহু সমস্যাৰ সনম্মুখীন হোৱাৰ কথাও জনায় ৷ এই সন্দৰ্ভত অতিশীঘ্ৰে ব্যৱস্থা গ্ৰহণৰ আশ্বাস প্ৰদান কৰে উপায়ুক্ত চন্দ্ৰধ্বজ সিনহাই ৷

সমান্তৰালকৈ, আমছুৰ সঁজাতি দলটোৱে দুয়োগৰাকী বিষয়াকে উপহাৰ স্বৰূপে একোটাকৈ আমছুৰ স্মাৰক প্ৰদান কৰে ৷

লগতে পঢ়ক-কলগাছিয়াৰ খাৰবাল্লীত বিদ্যুৎস্পৃষ্ট হৈ এগৰাকীৰ মৃত্যু