বাইহাটা চাৰিআলি , 14 জুন : ৰাজ্য়ত দিনকদিনে বৃদ্ধি পাইছে ড্ৰাগছ, কফ চিৰাপ আদি নিচাযুক্ত দ্ৰব্যৰ উদ্ধাৰৰ ঘটনা ৷ বিভিন্ন ঠাইৰ পৰা উদ্ধাৰ হৈছে অবৈধ সুৰাকে ধৰি বিভিন্ন নিচাযুক্ত দ্ৰব্য ৷ প্ৰতিদিনেই ৰাজ্য়খনত এটাৰ পাচত আনটো অবৈধ ড্ৰাগছৰ ঘাটি, সুৰাৰ ঘাটি উৎখাতৰ ঘটনা পোহৰলৈ আহিছে ৷
এইবাৰ কামৰূপ জিলাৰ বাইহাটা চাৰিআলিত ব্ৰইলাৰ মাংসৰ দোকানৰপৰা উদ্ধাৰ হ’ল অবৈধ কফ চিৰাপ ৷ ৰঙিয়া মহকুমা আৰক্ষী বিষয়া মৃগাক্ষী ডেকা আৰু বাইহাটা চাৰিআলি আৰক্ষী থানাৰ ভাৰপ্ৰাপ্ত আৰক্ষী বিষয়া ৰূপম হাজৰিকাৰ নেতৃত্বত এটা আৰক্ষীৰ দলে বাইহাটা চাৰিআলিত চলাই অভিযান ৷
দোকানত চলোৱা এই অভিযানত কফচিৰাপসহ দুজন অপৰাধীক কৰায়ত্ত কৰিবলৈ সক্ষম হয় আৰক্ষী ৷ কৰায়ত্ত কৰা দুই যুৱক ক্ৰমে ছিপাঝাৰ থানাৰ অন্তৰ্গত সানোৱা গাঁৱৰ ইমৰাণ আলী আৰু ৰঙিয়া থানাৰ অন্তৰ্গত নোনাপাৰৰ জেহেৰুল হ’ক ৷ এই অভিযানত আইচক্ৰীমৰ দোকানত লুকুৱাই থোৱা অৱস্থাৰ পৰা ১৭০ টা কফচিৰাপৰ বটল আৰক্ষীয়ে উদ্ধাৰ কৰে ৷ লগতে এ এছ ০১ বি এক্স ৩০৪৯ নম্বৰৰ চাৰিচকীয়া এখন বাহনো আৰক্ষীয়ে জব্দ কৰে ৷
লগতে পঢ়ক:এতিয়া কিহত ব্যস্ত ৰাখিছে আপোনাৰ শিশুটি !