নিউজ ডেস্ক, 4 ডিচেম্বৰ : ইণ্টাৰনেটে গ্ৰাস কৰা পৃথিৱীত আজিও বহু পাঠক ৰৈ থাকে একোখন মননশীল গ্ৰন্থৰ বাবে ৷ গান-চিনেমাৰ দৰেই একোখন গ্ৰন্থৰ উন্মোচনী অনুষ্ঠান হ’ব পাৰে লোকাৰণ্য ৷ বহুচৰ্চিত একোখন গ্ৰন্থৰ উন্মোচনী অনুষ্ঠানত ভিৰ হ’ব পাৰে লেখক, সমালোচক, শিল্পী, নাট্যকাৰ, গল্পকাৰ, কবি, ঔপন্যাসিক, অভিনেতা-অভিনেত্ৰীৰ ৷
'শুক্ৰাচাৰ্য ৰাভাঃ যাত্ৰা আৰু মাত্ৰা' গ্ৰন্থৰ জৰিয়তে পাঠক সমাজৰ আপোন হৈ পৰা নীলোৎপল বৰুৱাৰ নৱতম গ্ৰন্থ ‘গান্ধী ফাগ্লা’ অলপতে উন্মোচন কৰা হয় ৷ 2 ডিচেম্বৰত(Gandhi Fagla Released) গুৱাহাটী প্ৰেছ ক্লাৱত উন্মোচিত হোৱা গ্ৰন্থ সংকলন ‘গান্ধী ফাগ্লা’ৰ বাবে দেখা গ’ল অভূতপূৰ্ব পৰিৱেশ ৷ সততে গ্ৰন্থ উন্মোচনী সভাত পূৰ্বে নেদেখা এক পৰিৱেশে বিৰাজ বিৰাজ কৰিলে ৷ আসনৰ নাটনিৰ বাবে প্ৰেক্ষাগৃহৰ বাহিৰতে থিয় হৈ ৰ’বলগীয়া হ’ল বহু অতিথি ৷
উল্লেখ্য যে, গল্পকাৰ হিচাবে নীলোৎপল বৰুৱা বুদ্ধিদীপ্ত পাঠকৰ অতি পৰিচিত ৷ নীলোৎপল বৰুৱাৰ(Author Nilutpal Baruah) গল্পত দেখা যায় বাস্তৱতা ৷ ভাষাৰ সুকীয়া ব্যৱহাৰ আৰু কাহিনীকথনৰ অগতানুগতিক শৈলীৰে নীলোৎপল বৰুৱাই গল্পসমূহ জীয়াই তোলা বুলি চৰ্চিত হৈ আহিছে পাঠক সমাজত ৷
বৰুৱাৰ 14 টা বচা বচা গল্পৰ সংকলন ‘গান্ধী ফাগ্লা’ ইতিমধ্যে ৰাজ্যৰ গ্ৰন্থমেলাসমূহত উপলব্ধ হৈছে ৷ আলিবাট প্ৰকাশনে প্ৰকাশ কৰাৰ লগতে অসমীয়া ভাষা আৰু চফটৱেৰ বিকাশ কেন্দ্ৰই বিতৰণ কৰা গ্ৰন্থখন www.kittap.inত ৱেৱচাইটতো ইতিমধ্যে উপলব্ধ হৈছে ৷
উল্লেখ্য যে, ইয়াৰ পূৰ্বে নীলোৎপল বৰুৱাই লিখি উলিওৱা 'শুক্ৰাচাৰ্য ৰাভাঃ যাত্ৰা আৰু মাত্ৰা' গ্ৰন্থখনে'(Shukracharya Rabha: Yatra Aaru Matra) কলাগুৰু বিষ্ণুপ্ৰসাদ ৰাভা', 'সাহিত্য বঁটা' আদি কেইবাটাও বঁটা লাভ কৰিছিল ৷ তদুপৰি গ্ৰন্থখন ইংৰাজীলৈও অনূদিত হৈছিল ৷ আনহাতে এজন গীতিকাৰ হিচাবেও পৰিচিত নীলোৎপল বৰুৱা ৷
লগতে পঢ়ক : Majuli Connecting Bridge : মাজুলী-লখিমপুৰ সংযোগী দলঙৰ নিৰ্মাণস্থলী পৰিদৰ্শন ৰণোজ পেগুৰ
