গুৱাহাটী, 27 ছেপ্টেম্বৰঃ ধন দাবীত লিপ্ত হ'ল দিছপুৰ আৰক্ষীৰ উপ পৰিদৰ্শক গহীন পেগু ৷ দিছপুৰ আৰক্ষী বিষয়াৰ সোণৰ বিস্কুট চুৰি আৰু নগদ ধন ডকাইতি ঘটনা সংঘটিত কৰাৰ পিছত এইবাৰ পোহৰলৈ আহিছে ধন দাবীৰ ঘটনা ৷ ধন দাবীৰ অভিযোগত অভিযুক্ত হৈছে দিছপুৰ আৰক্ষীৰ উপ পৰিদৰ্শক গহীন পেগু। এজন বেংক বিষয়াক ধনদাবী কৰাৰ অভিযোগ উত্থাপন হৈছে পেগুৰ বিৰুদ্ধে । ইতিমধ্যে দিছপুৰ আৰক্ষীয়ে গ্ৰেপ্তাৰ কৰিছে দিছপুৰ থানাৰ উপ পৰিদৰ্শক গহীন পেগুক।
উৎকোচ লোৱাৰ অভিযোগত গ্ৰেপ্তাৰ কৰা হৈছে উপ পৰিদৰ্শকগৰাকীক। ভাৰতীয় ষ্টেট বেংকৰ শাখা প্ৰৱন্ধকক দাবী কৰিছিল ৫০ হাজাৰ টকা । দুৰ্নীতি নিবাৰক শাখাই গ্ৰেপ্তাৰ কৰে উপ পৰিদৰ্শক গহীন পেগুক। সম্প্ৰতি দিছপুৰ থানাত জেৰা অব্যাহত ৰাখিছে উপ পৰিদৰ্শক গহীন পেগুক ।
আনফালে চাকৰি দিয়াৰ নামত ধন সংগ্ৰহ কৰা এজন ভুৱা উপ পৰিদৰ্শক গীতানগৰ আৰক্ষীৰ জালত পৰিছে ৷ জালত পৰা ভুৱা উপ পৰিদৰ্শকগৰাকী হৈছে ধৰ্মেশ্বৰ ৰয় ৷ বাইহাটা চাৰিআলিৰ প্ৰৱঞ্চকটোৱে বনজিৎ হুজুৰি নামৰ লোকজনৰ পৰা সংগ্ৰহ কৰিছিল ৫৬ হাজাৰ টকা ৷ নিজকে গীতানগৰ থানাৰ উপ পৰিদৰ্শক বুলি চিনাকি দি সংগ্ৰহ কৰিছিল ধন ৷ জু ৰোডৰ মেঘমল্লাত ভাড়াতীয়া হিচাপে আছিল প্ৰৱঞ্চক ধৰ্মেশ্বৰ ৰয় ৷ আৰক্ষীৰ অভিযানত লোকজনৰ ভাড়াঘৰত অভিযান চলায় আৰক্ষীয়ে উদ্ধাৰ কৰিবলৈ সক্ষম হয় খাকী পোছাক ৷ দীৰ্ঘদিনৰ পৰাই বহু লোকৰ পৰা ধন সংগ্ৰহ কৰা অভিযোগ উত্থাপন হৈছে প্ৰৱঞ্চক ধৰ্মেশ্বৰ ৰয়ৰ বিৰুদ্ধে ৷
