বকো , ১৯ মাৰ্চ : বন বিভাগৰ অভিযানত সোমবাৰে নিশা বকোৰ ৰাজাপাৰত দুষ্টচক্ৰৰ পৰা উদ্ধাৰ হয় এটা ৮ কিল'গ্ৰাম ওজনৰদুষ্প্ৰাপ্য বনৰৌ ৷ এই সন্দৰ্ভত বন বিভাগে দুজন লোকক আটক কৰে ।
বকোত উদ্ধাৰ দুস্প্ৰাপ্য বনৰৌ
এক গোপন সুত্ৰৰ পম খেদি ৱাইল্ড লাইফ ক্ৰাইম ব্যুৰ'ই অভিযান চলাই এই বনৰৌটো উদ্ধাৰ কৰে । AS - 26 - 4025নম্বৰৰ হুন্ডাই চেন্ট্ৰ গাড়ী এখনেৰে চোৰাং ভাৱে গুৱাহাটীলৈ নি থকা অৱস্থাত উদ্ধাৰ কৰা হয় বনৰৌটো । ইপিনে ঘটনাৰ লগত জড়িত আটক হোৱা লোক কেইজন ক্ৰমে মেঘালয়ৰ গ্ৰিমিথ চাংমা আৰু গুৱাহাটী গঢ়চুকৰ ব্ৰজেন ৰাভা । আটকাধীন দুয়োজন লোক বৰ্তমান আৰক্ষীৰ জিম্মাত আছে । আনহাতে বনবিভাগৰ লোকে জনোৱা অনুসৰি চোৰাং বজাৰত এই বনৰৌটোৰ মূল্য প্ৰায় ৫ লাখ টকা ।
