কলাক্ষেত্ৰত উদ্বোধন "গণশিল্পী খগেন মহন্ত উদ্যান"

শ্ৰীমন্ত শংকৰদেৱ কলাক্ষেত্ৰত গণশিল্পী তথা বিহু সম্ৰাটগৰাকীৰ জন্মদিনটোতে উদ্বোধন কৰা হয় উদ্যানখন । গণশিল্পী খগেন মহন্ত উদ্যান"খন উদ্বোধন কৰে মুখ্যমন্ত্ৰী সৰ্বানন্দ সোণোৱালে

গুৱাহাটী, 17 আগষ্টঃ শনিবাৰে শুভ উদ্বোধন কৰা হ'ল "গণশিল্পী খগেন মহন্ত উদ্যান"। শ্ৰীমন্ত শংকৰদেৱ কলাক্ষেত্ৰত গণশিল্পী তথা বিহু সম্ৰাটগৰাকীৰ জন্মদিনটোতে উদ্বোধন কৰা হয় উদ্যানখন । গণশিল্পী খগেন মহন্ত উদ্যান"খন উদ্বোধন কৰে মুখ্যমন্ত্ৰী সৰ্বানন্দ সোণোৱালে । উদ্যানখনৰ উদ্বোধনী অনুষ্ঠানত উপস্থিত থাকে খগেন মহন্তৰ সহধৰ্মিনী অৰ্চনা মহন্ত, পুত্ৰ অংগৰাগ পাপন মহন্ত, অভিনেতা যতীন বৰাৰ লগতে অসংখ্য গুণমুগ্ধ ।

উদ্যান মুকলি কৰাৰ পিছতে শ্ৰীমন্ত শংকৰদেৱ আন্তৰ্জাতিক প্ৰেক্ষাগৃহত আয়োজন কৰা হয় সাংস্কৃতিক অনুষ্ঠানৰ । এটি বৰগীত পৰিৱেশনেৰে অনুষ্ঠান মুকলি কৰিলে পাপনে । অনুষ্ঠানটিত উপস্থিত থাকে কেন্দ্ৰীয় মন্ত্ৰী ৰামেশ্বৰ তেলী, সাংসদ কুইন ওজা, মন্ত্ৰী নৱ দলে, বিধায়ক ভাস্কৰ শৰ্মা, ৰূপক শৰ্মাকে ধৰি বহু বিশিষ্ট ব্যক্তি ।