গুৱাহাটী,27 ফেব্ৰুৱাৰীঃ ২৯ মাৰ্চৰ পৰা আৰম্ভ হ'ব ক্ৰিকেটৰ মেগা ইভেণ্ট আই পি এল ৷ চলিত বৰ্ষৰ আই পি এলৰ কাৰ্যসূচী মৰ্মে ৰাজস্থান ৰয়েলছ দলৰ দুখনকৈ খেল অনুষ্ঠিত হ'ব গুৱাহাটীৰ বৰ্ষাপাৰাস্থিত অসম ক্ৰিকেট সন্থাৰ ষ্টেডিয়ামত ৷ খেল দুখনৰ বাবে বৃহস্পতিবাৰৰ পৰা দলটোৰ খেলুৱৈসকলে আৰম্ভ কৰে অনুশীলন ৷ বিয়লি ৪ বজাত ষ্টেডিয়ামত ৰাজস্থান ৰয়েলছৰ খেলুৱৈসকল উপস্থিত হৈ অনুশীলনত অংশগ্ৰহণ কৰে ৷ দলটোৰ ৭গৰাকী খেলুৱৈয়ে অনুশীলনত অংশ লয় ৷ অনুশীলনকাৰী দলটোত উপস্থিত থকা দেখা যায় অসমৰ যুৱ ক্ৰিকেট খেলুৱৈ ৰিয়ান পৰাগক । ৰাজস্থান ৰয়েলছৰ খেলুৱৈসকলে তিনিদিনীয়াকৈ এই অনুশীলন কৰিব বুলি জানিব পৰা গৈছে ।
শুকুৰবাৰে খেলুৱৈসকলে পুৱা ১০ বজাৰ পৰা অনুশীলনত অংশগ্ৰহণ কৰাৰ কথা আছে । খেলুৱৈসকলক অনুশীলনৰ সময়ত সংগ প্ৰদান কৰে দলটোৰ দায়িত্বত থকা বিষয়াসকলে ৷ লগতে ষ্টেডিয়ামটোত উপস্থিত থাকে অসম ক্ৰিকেট সন্থাৰ কেইবাগৰাকী বিষয়া ৷ উল্লেখ্য যে,ৰাজস্থান ৰয়েলছে ৫ আৰু ৯ এপ্ৰিলত গুৱাহাটীৰ বৰ্ষাপাৰাস্থিত অসম ক্ৰিকেট সন্থাৰ ষ্টেডিয়ামত দুখনকৈ খেলত অংশ ল’ব ৷ কাৰ্যসূচীমৰ্মে দলটোৱে ৫এপ্ৰিলত দিল্লী কেপিটেলৰ আৰু ৯এপ্ৰিলত কলকাতা নাইট ৰাইডাৰ্ছৰ বিপক্ষে খেলত অৱতীৰ্ণ হ'ব ।
লগতে পঢ়কঃআইপিএল 2020ৰ কাৰ্যক্ৰমণিকা
