গুৱাহাটী, 13 জুন: মহানগৰী গুৱাহাটীত পৌৰ নিগমৰ বানিজ্যিক অনুজ্ঞাপত্ৰ অবিহনে আৰু অস্বাস্থ্যকৰ পৰিৱেশত ব্যৱসায় কৰি থকা একাংশ দোকানৰ বিৰুদ্ধে সোমবাৰে এক অভিযান চলাই গুৱাহাটী পৌৰ নিগম কৰ্তৃপক্ষই । অভিযানকাৰী দলে মহানগৰীৰ ফাঁচীবজাৰ আৰু আঠগাঁও এলেকাত ১৭ খন মিঠাইৰ দোকান, গেলামালৰ দোকান, ৰেষ্টোৰাত এই অভিযান চলায় (GMC drive against illegal shops in Guwahati)।
ইয়াৰে ৭ খন দোকানে পৌৰ নিগমৰ অনুজ্ঞাপত্ৰ নোহোৱাকৈ ব্যৱসায় কৰি থকা তথ্য পোহৰলৈ আহে । লগতে ৮ খন দোকানে অস্বাস্থ্যকৰ পৰিৱেশত গ্ৰাহকক সামগ্ৰী বিক্ৰী কৰি থকাৰ তথ্য লাভ কৰে । এই দোকানকেইখনৰ পৰা পৌৰ নিগম কৰ্তৃপক্ষই ৮০,৫০০ টকা জৰিমনা আদায় কৰিছে ।
স্বাস্থ্য আৰু পৰিচ্ছন্নতাৰ বিষয়টো মানি নচলি ব্যৱসায় কৰি থকা ব্যৱসায়িক প্ৰতিষ্ঠানকেইখন কিৰণশ্ৰী মিঠাই আৰু জলপান (ৰেষ্টোৰা), বেৱাফা ফুড, মা ভোজনালয়, গণপতি খাদ্য, স্পাইচ ক্লাব, লালা হোটেল, আৰু সীতা-ৰাম ভোজনালয়
লগতে পঢ়ক: দুবছৰত 34 টা: মহানগৰীত বৃদ্ধি পাইছে বাল্যবিবাহৰ ঘটনা
